Евгений Григорьев биэдэмистибэлэр икки ардыларынааҕы хамыыһыйа мунньаҕын ыытта
Хамыыһыйа, 2022 сыл ыам ыйын 6 күнүнээҕи 118п №-дээх «Дьокуускай куорат» куорат уокуругар алкогольнай бородууксуйаны атыылааһын көҥүллэммэт территорияларын кыраныыссаларын чопчулааһын туһунан» уураахха олоҕуран, хааччахтааһыҥҥа түбэһэр дьоҕус уонна орто предпринимательство субъектарын административнай эппиэтинэскэ тардыы механизмын дьүүллэстэ.
Мунньахха куорат баһылыгын кытыы территориялары, тыа хайааһыстыбатын сайыннарыы, эргиэн уонна предпринимательство боппуруостарыгар солбуйааччы Владимир Аржаков, Быраап департамена, Предпринимательство, потребительскэй ырыынак уонна туризм сайдыытын департамена, Административнай хамыыһыйа, Олохтоох дьаһалта Быраабы араҥаччылыыр уорганнары кытта бииргэ үлэлээһиҥҥэ уонна коррупцияны утары үлэҕэ управлениета, ИДьМ «Якутское» МУ полиция участковайдарын уонна сокуоннай саастарын ситэ иликтэр инспектордарын начаалынньыга Эдуард Кычкин, Роспотребнадзор Саха сиринээҕи управлениетын туһанааччылар бырааптарын көмүскүүр салаатын начаалынньыга Владимир Афанасьев, ЫБММ Саха сиринээҕи Кылаабынай управлениетын кэтиир уонна сэрэтэр үлэҕэ салаатын начаалынньыгын солбуйааччы Степан Сидоров кытыннылар.
Биэдэмистибэлэр икки ардыларынааҕы хамыыһыйа Предпринимательство, потребительскэй ырыынак уонна туризм сайдыытын департаменын салаатын начаалынньыгын 2022 сыллааҕы үлэтин отчуотун иһиттэ. Итини таһынан, биэдэмистибэлэр икки ардыларынааҕы хамыыһыйа 2023 сыллааҕы үлэтин былаана торумнанна.
Сонуннар
Ордук ааҕаллар
