Евгений Григорьев: «Бастакы хардыыны оҥоруҥ!»

Дьокуускай куорат баһылыга Евгений Григорьев 2019 сыллаахха иккис куонкуруска кыайыылаах буолбутун үгүс дьон билэр. Салайааччылары үүннэрэр-сайыннарар, аартыктарын арыйар куонкурустан куорсун анньыммыт эдэр баһылык санаатын үллэһиннэ:

«Бу куонкуруска кыттыы миэхэ дойду бас-көс салайааччыларын –  бөдөҥ предпринимателлэрин, учуонайдарын, политиктарын кытта билсэр кыаҕы биэрбитэ. Мин настаабынньыкпынан Орловскай уобалас губернатора Андрей Евгеньевич Клычков буолбута, кини үгүс сүбэтэ-амата билиҥҥэ диэри үлэбэр көмөлөһөр. 

“Лидеры России” финалистарыттан номнуо түөрт киһи баһылык буолла, кинилэри кытта доҕордуу сыһыаммын тутабын. Биһиги «Эльбрус» кулуупка сылдьабыт, билсэбит, уопуппутун атастаһабыт.   

Быйыл «Россия – страна возможностей» платформа уонна куонкурус тэрийэр кэмитиэтэ 8 треги бэлэмнээбиттэр – “Судаарыстыбаннай салайыы”, “Бизнес уонна промышленность”, “Наука”, “Доруобуйа харыстабыла”, “Информационнай технологиялар”, “Култуура”, “Устудьуоннар” уонна норуоттар икки ардыларынааҕы трек.

Саха сирин олохтоохторо бу куонкуруска кыттан, талааннарын уонна бэйэлэрин кыахтарын арыйыахтара, билиилэрин кэҥэтиэхтэрэ уонна сатабылларын элбэтиэхтэрэ, саҥа компетенциялары баһылыахтара уонна элбэх дьону кытта билсиэхтэрэ. Онуоха бастакы хардыыны оҥоруҥ – ЛидерыРоссии.рф сайтка регистрацияланыҥ.

Хаартыска: ЯСИА