31.01.2022 | 14:00

Евгений Григорьев АСДГ бэрэстэбиитэлинэн талылынна

Евгений Григорьев АСДГ бэрэстэбиитэлинэн талылынна
Ааптар: Киин Куорат

Тохсунньу 28 күнүгэр видеоконференция сибээһин форматынан Красноярскай куорат баһылыга Сергей Еремин бэрэссэдээтэллээх «Сибиир уонна Уһук Илин куораттарын Ассоциацията» Сэбиэт мунньаҕа ыытылынна. 
«Кыылларга эппиэтинэстээх сыһыан туһунан» ФЗ-498 федеральнай сокуон олоххо киириитин кыһалҕалаах боппуруостарын дьүүллэһиигэ Новосибирскай, Омскай, Красноярскай, Владивосток, Хабаровскай, Артем, Чита, Кемерово, Улан-Удэ, Иркутскай, Дьокуускай, Мирнэй, Братскай, Благовещенскай, Томскай, Южно-Сахалинскай, Магадан, Ангарскай, Барнаул, Бийскай, Комсомольск-на-Амуре куораттар баһылыктара уонна бэрэстэбиитэллэрэ, ону сэргэ РФ Судаарыстыбаннай Дууматын дьокутааттара Алексей Диденко уонна Сардана Авксентьева кытыннылар.
Дакылаатчыттар ити сокуон олоххо киириитигэр муниципальнай былаастар туох кыһалҕалары көрсөллөрүн туһунан кэпсээтилэр. Хас биирдии куорат туспа уратылардааҕа, ол эрэн ОСВВ («тутуу-стерилизация-вакцинация-төттөрү ыытыы») уулуссаҕа дьоҥҥо куттал суоһаабатын мэктиэлээбэтэ уонна территориялар экологическай туруктарын мөлтөтөрө этилиннэ. Оттон тутулллубут кырыктаах ыттары приюттарга тутарга бүддьүөккэ охсуулааҕа бэлиэтэннэ. 
Дакылааттар уонна дьүүллэһиилэр түмүктэринэн ФЗ-498 федеральнай сокуоҥҥа көннөрүүлэри киллэрэргэ этиилэр чопчуланнылар. Сэбиэт быһаарыытынан Дьокуускай куорат баһылыга Евгений Григорьев «Кыылларга эппиэтинэстээх сыһыан туһунан» сокуоҥҥа көннөрүүлэри бэлэмнээһин РФ Судаарыстыбаннай Дууматын оробуочай бөлөҕөр АСДГ («Сибиир уонна Уһук Илин куораттарын Ассоциацията») чилиэннэрэ куораттар бэрэстэбиитэллэринэн талылынна.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...