13.01.2022 | 11:58

Евгений Григорьев Арассыыйа бэчээтин Күнүнэн эҕэрдэлиир

Евгений Григорьев Арассыыйа бэчээтин Күнүнэн эҕэрдэлиир
Ааптар: Киин Куорат

Убаастабыллаах суруналыыстар, сонуннары киэҥник тарҕатар сириэстибэлэр үлэһиттэрэ!
Олохтоох дьаһалта салалтатын уонна тус бэйэм ааппыттан эһигини Арассыыйа бэчээтин Күнүнэн эҕэрдэлиибин!
Аныгы уопсастыбаҕа эһиги үлэҕит суолтатын сыаналыыр уустук: бары олох оргуйар үөһүгэр сылдьабыт – биһигини күн аайы үчүгэй уонна оччото суох сонуннар арыаллыыллар. Дьон үксэ сарсыардатын интэриниэт сонуннарыттан саҕалыыр, сүрүн суолталаах сонуннары хаһыаттан, телевидениеттан уонна радиоттан билэр. Саха сирин олохтоохторугар эһиги бастакынан сүдү кыайыылар уонна ыксаллаах быһыы-майгы түбэлтэлэрин, былаас дьоһун суолталаах быһаарыыларын уонна куорат олоҕун кыһалҕалаах боппуруостарын туһунан иһитиннэрэҕит. Хас биирдии түбэлтэҕэ сөптөөх көрүүгүтүттэн, айар талааҥҥытыттан, сатаан анаалыстыыргытыттан уонна инникини сабаҕалыыргытыттан эһиги ааҕааччыларгыт, көрөөччүлэргит уонна бүтүн уопсастыба социальнай туруктара тутулуктаах. 
Саха суруналыыстара уонна таһаарыылара мэлдьи тыл үрдүк маастарыстыбатынан, гражданскай эппиэтинэһинэн уонна дьоҥҥо аламаҕай сыһыанынан биллэрэ. Ол туоһута – элбэх ахсааннаах норуоттар икки ардыларынааҕы, федеральнай уонна өрөспүүбүлүкэтээҕи таһымнаах уһулуччу идэтийии иһин наҕараадалар уонна бочуоттаах ааттар. Саамай сүрүнэ – уопсастыбаҕа үлэнэн ситиһиллибит аптарытыат, ааҕааччыларгыт уонна көрөөччүлэргит ытыктабыллара уонна тапталлара.
Өрөспүүбүлүкэбит уонна киин куораппыт, элбэх дьон билиниитинэн, судаарыстыбаннай уонна чааһынай сонуннары киэҥник тарҕатар сириэстибэлэр ситиһиилээхтик сайдар уонна күрэстэһэр ураты миэстэлэрэ. Мөккүөрдээх санаалар уопсастыбаны кытта кэпсэтиини, дьоҥҥо наадалаах быһаарыылары уонна дьайыылары сөптөөхтүк оҥороллор уонна өйүүллэр. Ол иһин өрөспүүбүлүкэбит уонна киин куораппыт прессатын күүркэтиитэ суох «төрдүс былааһынан» ааҕыахпытын сөп. 
Убаастабыллаах суруналыыстар, сонуннары киэҥник тарҕатар сириэстибэлэр үлэһиттэрэ, бэтэрээннэрэ!
Идэлээх бырааһынньыккытынан эҕэрдэлиибин! Баҕарабын эһиэхэ нэһилиэнньэни долгутар тиэмэлэр хаба ортолоругар, уопсастыба сайдыытын чыпчаалыгар сылдьаргытыгар. Айар үлэҕитинэн үрдүккэ көтүүнү, доруобуйаны, тус бэйэҕитигэр уонна чугас дьоҥҥутугар этэҥҥэ буолууну!

Дьокуускай куорат баһылыга Евгений Григорьев

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...