07.07.2021 | 10:00

Евгений Григорьев 203 микрооройуон төрөппүттэрэ долгуйбаттарыгар эттэ

Евгений Григорьев 203 микрооройуон төрөппүттэрэ долгуйбаттарыгар эттэ
Ааптар: Киин Куорат
Бөлөххө киир

От ыйын 6 күнүгэр куорат баһылыга Евгений Григорьев 203 микрооройуоҥҥа олорор оҕолор «Центр глобального образования» гимназияҕа киирэллэрин туһунан боппуруоска эппиэттээтэ.
«Төрөппүттэри эрэннэрэбин – 77 маҥнайгы кылааска киирэр оҕолор бары киириэхтэрэ, балаҕан ыйын 1 күнүгэр маҥнайгы чуораан оҕолорго барыларыгар чугдаарыа. Билигин мин сорудахпынан үөрэҕирии Управлениета эбии комплект-кылаастары тэрийэр кыаҕы тобулар. Итини сэргэ 203 микрооройуоҥҥа баар тутуулар бас билээччилэрин кытта начальнай кылаастары батарар миэстэни толкуйдуубут», - диэтэ куорат баһылыга.
Кини ити боппуруос быһаарылларыгар төрөппүттэртэн биир нэдиэлэни биэрэллэригэр көрдөстө. 
«Кэнники бэйэм көҕүлүүр бөлөҕү кытта көрсөн бу боппуруоһу быһаарарга хас көрүҥ баарын кэпсиэҕим», - диэн быһаарда Евгений Григорьев.
Уопсай үөрэхтээһин кыһаларыгар миэстэ тиийбэт боппуруоһа сытыытык турар.  Нэһилиэнньэ улаатар, социальнай эбийиэктэр тутуулара ону сиппэт. 
«Билигин биһиги оскуолаларга уонна оҕо уһуйааннарыгар наадыйар микрооройуоннарга тутуулары көннөрөн биэрдибит.  Территориялар биир кэлим сайдыыларын туһунан ахсынньы 30 күнүгэр ылыныллыбыт 494 нүөмэрдээх Федеральнай сокуон биһиэхэ оскуолалары уонна оҕо уһуйааннарын тутары былаанныырга саҥа кыаҕы биэрдэ», - диэн бэлиэтээтэ куорат баһылыга.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...