Эссетэ суруй – смартфонна сүүй!

1991-1992 сылларга бүттүүн норуот өйө-санаата уһуктуутунан кынаттанан тахсыбыт национальнай оскуолалары саҥардыы Концепцията бигэргэтиллэн олоххо киирэн барбыта. Оччотооҕу Национальнай Концепция быйыл 30 сылын туолла. Концепцияттан үгүс чаҕылхай ыччат, сайдам санаалаах дьон үүннүлэр.
Национальнай Концепция үбүлүөйдээх сылын көрсө, “Киин куорат” хаһыат уонна “Ийэ тыл кэскилэ” түмсүү ЭССЕ КҮРЭҔИН биллэрэллэр. 
Концепция аҕалбыт туһатын, ыччат киһи уонна омук быһыытынан сайдыытыгар көдьүүһүн, бэлиэтии көрбүт буоллаххытына итэҕэстэрин – барытын айар үлэҕитигэр түмэн, санааҕытын сайа этэн суруйан ыытаргытын күүтэбит.
Күрэххэ кытталлар: 16+ саастаах дьон. 
Үлэлэргитин ыытаҕыт: kiinkuorat-kyrex@mail.ru
Күрэх бүгүн, ыам ыйын 13 күнүгэр, саҕаланар уонна ыам ыйын 27 күнүнээҕи хаһыат нүөмэригэр түмүгэ тахсар. Биир бастыҥ үлэ кыайыылааҕынан ааттанар.
Норуот дьокутаата, уопсастыбаннай деятель Павел Ксенофонтов-Ойуур Байбал кыайыылаахха SAMSUNG  Galaxy Fold смартфону бэлэхтиэҕэ. 
Кытын уонна кыай!