ЭРИЭППЭ ЛУУК ТУҺАТА

Биирдэ дьиэбэр бэркэ билэр далбарым ыалдьыттыы кэллэ. Киирэн иһэн лууктаах пакетын тоҕо түһэрэн кэбистэ. «Чэ, маннык буолуохтааҕа буолуо»,- — диэн күлэн чычыгыраата.

Бэйэ бэйэбитин көрө түстүбүт — бу иннинэ дьиэбэр дьону ыраастаабытым, ону бу эриэппэ лууктаах дьахтар кэлбитигэр Дьиэм Иччитэ барахсан, алаһа дьиэбин ыраастата охсоору, чүөчэҥ «өйдүө» диэн пакетын «тоҕо тартаҕа». Дьахтарым куухунаҕа ааһан баран, остуолум, ыскаабым анныгар пакетыгар хаалбыт бөп-бөдөҥ лууктарын ылан ыһыталаата.

Кырдьык даҕаны – бу маннык луугунан дьиэ эйгэтин ыраастааһын диэн эмиэ баар. Эриэппэ луугунан, сибэккитинэн хара тыыннартан, дьон санаатыттан ыраастыыллар. Хос аайы эриэппэ луук аҥардыытын, дьиэ иһиттэн туох баар ыарыы тыынын, дьаҥы-дьаһаҕы хомуйтараҕыт. Сарсыарда лууккутун сыгынньах илиигитинэн туппакка (бэрчээкки кэтэн баран) хомуйан ылан быраҕаҕыт.

Ыалдьар буоллаххытына, лууккут аҥаарынан ыалдьар сиргитин сотоҕут.

Сибэккилээх вазаҕа — дьиэ киэргэлэ оҥостон луугу уга сылдьыаххытын син — хаһан да, ким да кэллэр — өрүү харысхаллаах буолуоххут.

Эмчиттэр үлэҕитигэр быһах туттар буоллаххытына — быһаххытын ыраастыырга — луугу туттуҥ.

Эриэппэ луук ыйы кытта ыга сибээстээх, ол иһин ыйы кытта үлэҕэ, туомнарга луугу туттуҥ. Луук чесногу кытта араас туомнарга, ыарыылары эмтииргэ, ыраастааһыҥҥа хара тыыннартан, абааһылартан харыстыыр.

Түннүккүтүгэр, оҕуруоккутугар луук олордор буоллаххытына — лууккут үүнэрин тухары өрүү харысхаллаах буолуоххут.