21.12.2021 | 16:00

Эргиэн-промышленнай палаататын кытта бииргэ үлэлээһин сөбүлэҥэ баттанна

Эргиэн-промышленнай  палаататын кытта бииргэ үлэлээһин сөбүлэҥэ баттанна
Ааптар: Киин Куорат
Бөлөххө киир

Киин куорат олохтоох дьаһалтата уонна «Саха Өрөспүүбүлүкэтин Эргиэн-промышленнай  палаатата» Сойуус «күлүккэ» сылдьар бизнеһи сокуоннай оҥорор, сир уонна баай-дуол сыһыаннаһыыларын боппуруостарыгар бииргэ үлэлээһин туһунан сөбүлэҥи түһэристилэр.  Сөбүлэҥҥэ куорат баһылыга Евгений Григорьев уонна Саха Өрөспүүбүлүкэтин Эргиэн-промышленнай  палаататын бэрэсидьиэнэ  Марина Богословская илии баттаатылар. Бу туһунан Уокуруктааҕы дьаһалта пресс-сулууспата иһитиннэрдэ.
Эҕэрдэ тылыгар баһылык Евгений Григорьев куорат уокуруга сайдарыгар предпринимателлэр кытталлара дьоһун суолталааҕын бэлиэтээтэ.
«Дьокуускай куорат экономикатын структуратыгар предпринимательство биир сүрүн көрүҥүнэн уонна ураты суолталааҕынан буолар. Икки өрүттээх сөбүлэҥ чэрчитинэн тэрээһиннэр, целевой көрдөрүүлэр былааннарын оҥоруохха, предпринимателлэри кытта «күлүккэ» сылдьар субъектары  сокуоннай оҥорорго үлэлиэххэ, уопуттаах дьону түмэн сир уонна баай-дуол сыһыаннаһыыларын боппуруостарын быһаарыахха диэн этиилээхпин», – диэбит куорат баһылыга.
Саха Өрөспүүбүлүкэтин Эргиэн-промышленнай  палаататын бэрэсидьиэнэ  Марина Богословская куорат баһылыгын этиитин өйөөбүт уонна икки өрүттээх сыһыан ураты суолталааҕын бэлиэтээбит.
«Бүгүҥҥү илии баттааһын – ити муниципальнай былаас уорганын кытта бастакы сөбүлэҥмит, тоҕо диэтэр предпринимателлэр үксүлэрэ Дьокуускайга үлэлииллэр. Итини таһынан, предпринимательствоҕа Координационнай Сэбиэт улахан үлэни ыытар. Ол иһин куорат салалтатын кытта дьыалабыай, доҕордуу сыһыаны олохтуурбут дьоһун суолталаах», – диэбит  Марина Богословская.
Киин куорат олохтоох дьаһалтата уонна «Саха Өрөспүүбүлүкэтин Эргиэн-промышленнай  палаатата» Сойуус икки ардыгар бииргэ үлэлээһин сөбүлэҥин чэрчитинэн 2022 сылга ыытыллар тэрээһиннэр былааннара оҥоһуллуоҕа.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.