Эргэ сыбаалка сабыллар

Быйыл Бүлүү трагын 27-с килэмиэтиригэр саҥа полигон, ону таһынан бөҕү араарар станция тутуулара саҕаланар. Бу туһунан СӨ Бырабыыталыстыбатын бэрэссэдээтэлин бастакы солбуйааччы Алексей Колодезников иһитиннэрдэ.

«9-с килэмиэтиргэ баар бөх полигона туолан турар. Бу боппуруоһу быһаараары, 27-с килэмиэтиргэ саҥа полигон тутуутун саҕалыыбыт. Ону «ЖКХ Якутии» тэрилтэ тутуоҕа», — диэтэ кини.

Кини бөҕү араарар станция тутуутун туһунан концессионнай сөбүлэҥ түһэрсиллибитин кэпсээтэ. «Эбийиэк тутуутугар миллиард кэриҥэ солкуобай көрүллүөхтээх. Онтон 25 бырыһыана хапытаалынай грант быһыытынан өрөспүүбүлүкэ бүддьүөтүттэн үбүлэниэҕэ», — диэн иһитиннэрдэ.