«ЭпиВакКорона» вакцина 90% туһалааҕа этилиннэ

Коронавирус инфекциятын утары «ЭпиВакКорона» вакцина нэһилиэнньэ араас араҥатыгар 90% туһалааҕын Роспотребнадзор эпидемиологияҕа научнай-чинчийэр Киинин научнай үлэҕэ дириэктэрин солбуйааччы Александр Горелов иһитиннэрбит. 
«Билиҥҥи туругунан, «ЭпиВакКорона» вакцина нэһилиэнньэ араас араҥатыгар 90% туһалааҕа дакаастанна», – диэбит кини Кытай-Арассыыйа COVID-19 кытта охсуһууга уопут атастаһар вебинардарыгар.
Роспотребнадзор «Вектор» киинэ оҥорбут «ЭпиВакКорона» Арассыыйаҕа коронавируһу кытта охсуһар иккис вакцинанан буолбут. Ити вакцина 2020 сыл алтынньы 14 күнүгэр регистрацияны ааспыт. Биир ый кэриҥэ буолан баран вакцинаны оҥорооччулар чинчийиилэри, ол иһигэр сааһырбыт дьон ортотугар, ыыппыттар.