Энергетиктэр уот ситимин чөлүгэр түһэрдилэр

Балаҕан ыйын 8 күнүгэр күүстээх тыалтан элбэх дьиэ уота суох хаалбытыгар Киин электрическэй ситимнэр биригээдэлэрэ суһаллык үлэни саҕалаабыттара. Чөлүгэр түһэрии үлэтигэр 52 киһилээх 13 биригээдэ, 16 тиэхиньикэ үлэлээтэ, 253 дьиэк көһүннэ.

«Силлиэ алдьатыытын туоратыы кэмигэр суһал диспетчерскэй бөлөххө 510 сайаапка киирдэ. Бүгүҥҥү күҥҥэ чөлүгэр түһэрии үлэтэ түмүктэннэ», - диэтэ ОДьКХ уонна энергетика миниистирин солбуйааччыта Дмитрий Шувалов.

Уот ситимэ быстыбытын көрдөххүтүнэ чугаһаамаҥ, тыытымаҥ диэн энергетиктэр сэрэтэллэр. Итинник түбэлтэни көрдөххүтүнэ Киин электрическэй ситимнэр суһал диспетчерскэй бөлөхтөрүгэр 005, (4112) 21-55-68 төлөпүөннэринэн биллэриҥ.