Энергетиктэр иэстэрин прокуратуранан ыларга күһэллэллэр

Саадынан, оҕуруотунан дьарыктанар түмсүүлэр энергетиктэргэ иэстэрэ 2023 сыл от ыйын 1 күнүнээҕи туругунан 90 мөл. солк. тиийдэ, диэн иһитиннэрэр «Якутскэнергосбыт» пресс-сулууспата.
Иэстээхтэр сүрүннээн Дьокуускай куорат уонна Мииринэй, Алдан, илин эҥэр оройуоннарын олохтоохторо.
90 мөлүйүөнтэн аҥаара – 45 мөл. солк. – Дьокуускай «Сатал» түөлбэтин иэһэ. «Сатал» кэнниттэн Дьокуускай куорат бөдөҥ иэстээхтэринэн «Кыайыы 40 сыла» СНТ – 6,2 мөл. солк. "Золотинка" СОК – 3,5 мөл.солк., "Фаза" СОТ – 1,9 мөл. солк., "Университет" СОТ – 1,5 мөл.солк. Уонна "Сосновка" СНТ – 1,5 мөл.солк. Ыйыллыбыттар.
Иэс уһуннук төлөммөт түгэнигэр энергетиктэр кытаанах дьаһаллары ыларга күһэллэллэр, ол иһигэр СОТ бэрэссэдээтэлин холуобунай эппиэтинэскэ тардар сыаллаах бэрэбиэркэни ыытар туһунан СӨ Прокуратуратыгар үҥсүү сурук.