ЭМП СУОХ БУОЛЛАҔЫНА ҮҤҮС

Өрөспүүбүлүкэ аптекаларыгар грипп вируһун сэрэтэр эмтэр суохтарын, эмп сыаналара үрдүгүн туһунан иһитиннэрии киирбитинэн сибээстээн Росздравнадзор өрөспүүбүлүкэ аптекаларыгар бэрэбиэркэ ыытта.

«Эмп сыаната капсула ахсааныттан уонна дозировкатыттан тутулуктаах. Холобур, «Арбидол №10» «Арбидол 20»-тэн атын. Тоҕо диэтэххэ «Арбидол 20»-ҕэ элбэх капсула киирэр. Маннык түгэҥҥэ эмп хаҕыгар, капсула уонна таблетка ахсааныгар болҕомто ууруохха наада», — диэн Росздравнадзор иһитиннэрэр.

«Арбидол» атын ааттаах эмиэ атыыланар: «Афлюдол», «Арпефлю», «Арбидол максимум», «Умифеновир».

• Саха сиригэр эминэн хааччыллыы уонна эмп сыанатын туһунан боппуруостаргытын Росздравнадзор нүөмэрдэригэр сарсыарда 09:00 чаастан киэһээ 18:00 чааска диэри эрийэн биэриэххитин сөп:
•  8(4112)42-56-28,
• +7 914 270-16-05