Электросамокаттарга саҥа быраабыла киирдэ

РФ бырабыыталыстыбата 2023 сыл кулун тутар 1 күнүттэн киирэр суол быраабылаларыгар киирэр уларыытылары чуолкайдаата диэн Дьокуускай куорат Прокуратурата иһитиннэрдэ.

Саҥа быраабыла электросамокаттарга, электроскейтбордарга, гироскутердарга, сегвейдэргэ уонна аналогтарыгар сыһыаннаах.

Итинник тырааныспарга олохтоммут быраабылалар:

- муҥутуур түргэнэ – 25 км/ч диэри;

-тротуардарынан, бэлэсипиэт суолларынан айанныыр электротырааныспар 35 киилэттэн ыарахана суох буолуохтаах;

- итинник тырааныспар сырыытыгар аналлаах суол бэлиэлэрэ туруохтара;

- айан түргэнин сатыы сылдьар дьонтон тутулуктаан учуоттанар.

Саҥа быраабылаҕа боростуой самокаттар уонна роликовай хаҥкылар киирбэтилэр.