25.07.2020 | 17:52

Электроннай өҥөлөрүнэн төһө туһанаҕыт?

Электроннай өҥөлөрүнэн төһө туһанаҕыт?
Ааптар: Киин Куорат

Куһаҕан да үчүгэйдээх диэбиккэ дылы, быйылгыттан бука бары электроннай өҥөлөрү баһылыырга күһэлиннибит. Урут да куйаар ситиминэн оҥоһуллар өҥөлөр баалларын үрдүнэн илэ сылдьарбытын астынар буоллахпытына, аныгы олох быраабылалары бэйэтэ олохтуур.

Судаарыстыбаннай уонна муниципальнай өҥө барыта электроннай ньымаҕа көспүтэ, бастатан туран, нэһилиэнньэҕэ туһалаах буолла. Дьиэттэн тахсыбакка олорон ууну, уоту төлүөххэ, ханнык баҕарар уочаракка туруохха, наадалаах ыспараапкалары хомунуохха сөп. Ол элбэх нэһилиэнньэлээх, онон уһун уочараттаах, ону тэҥэ тыалартан балай да түргэн интэриниэттээх Дьокуускай куоракка олус көдьүүстээх. Бүгүн эһиэхэ Дьокуускай куорат дьаһалтатын электроннай ньымаҕа көһөрбүт өҥөлөрүн билиһиннэрэбит.

Тутуу көҥүлэ

Билигин дьиэ туттуу кэмэ саҕаланна. Дьиэни туттуох иннинэ бастаан көҥүл ылыахтаахпыт. Көҥүл ылыы урукку курдук суругунан, элбэх докумуон хомуйуутунан буолбакка, олохтоох дьаһалтаҕар иһитиннэрии ыытыынан оҥоһуллар буолбутун туһунан суруйан турабыт.

Ону барытын дьиэттэн тахсыбакка, элбэх кэлиитэ-барыыта суох оҥотторуохха сөп. 2020 сыл ыам ыйыттан Дьокуускай куорат тутууга Департаменын маннык өҥөлөрө www.e-yakutia.ru регионнааҕы судаарыстыбаннай өҥөлөр порталларыгар баар буолбуттара:

- Хапытаалынай тутууну олоххо киллэрии көҥүлэ https://e-yakutia.ru/bs/timeline.htm?id=1112@egService#10292839;

- Тутуу, дьиэни уларыта тутуу, ИЖС эбэтэр даача дьиэтин туттуу туһунан иһитиннэриини биэрии https://e-yakutia.ru/bs/timeline.htm?id=2844@egService#10292839;

- Тутуу түмүктэммитин туһунан иһитиннэрии https://e-yakutia.ru/bs/timeline.htm?id=2845@egService#10292839;

Бу өҥөлөр докумуоннара сайаапка биэрээччи e-yakutia.ru порталга тус кабинетыгар кэлэллэр.

Үөрэхтээһин

Биир саамай туһаныллар муниципальнай өҥөнөн оҕо саадыгар уочаракка туруу буолар. Сайаапка биэрэн уочаракка турарбыт таһынан, ол уочараппыт хайдах хамсыырын эмиэ куйаар ситиминэн кэтии олорор кыахтаахпыт.Уочараппыт тиийэн кэллэҕинэ, дьаһалтаттан sms кэлэр, эппит чаастарыгар тиийэн толуон ылабыт, ыйбыт күннэригэр уһуйааҥҥа путевка тутабыт.

Урут маны барытын унньуктаах уһун уочарат быһаарара, дьаһалта дьиэтин таһыгар хонуу, сарсыарда 4 чаастан ааныгар уочараттааһын, этиһиилээх-охсуһуулаах испииһэктэнии кытта баар буола сылдьыбыта. Билигин барыта электроннайга көһөн, уочарат диэн ончу суох.

Оскуолаҕа суруттарыы эмиэ электроннай ньыманан барбыта иккис-үһүс сыла буолла. Урукку курдук төрөппүттэр оскуола таһыгар хоноллоро, оҕолорун талбыт оскуолаларыгар кэпсэтиинэн киллэрэллэрэ тохтоото. Пропискалаах буоллуҥ да, сокуонунан мэктиэлэммит аттынааҕы оскуолаҕар суруттарар кыахтанныҥ.

Дьиэ кэргэн

Саха сиригэр коронавирус тарҕаммытынан сибээстээн, куорат баһылыгын Сардаана Авксентьева дьаһалынан  №3 формалаах дьиэ кэргэн састаабын туһунан ыспараапка электроннайынан бэриллэ турар.

Ыспараапка https://e-yakutia.ru судаарыстыбаннай өҥөлөр порталларын нөҥүө бэриллэр. Докумуон электроннай барыйаана тус кабинекка тиийэр.

Дьокуускай куорат дьиэ-уот сыһыаннаһыытын Департаменын нүөмэрдэрэ: 8 (4112) 22-60-13;  8 (4112) 22-60-13;  8 (4112) 22-60-14;   8 (4112) 22-60-15;  8 (4112) 22-60-59.

Статистика кэпсииринэн, Дьокуускай олохтооҕун 90 бырыһыана интэриниэккэ киирэр кыахтаах.

Саахса үлэтэ уларыйда

Коронавирус пандемиятынан сибээстээн, Дьокуускайдааҕы саахса управлениета үлэлиир эрэсиимин уларытан турар. Ол курдук, маннык өҥөлөрүнэн дьону кытта үлэлииллэр:

- Киһи өлбүтүн регистрациялааһын: бэнидиэнньик – бээтинсэ, 09.00-1200;

- Төрөөбүтүн, аҕата быһаарыллыбытын туһунан сибидиэтэлистибэ ылыыга электроннай сайаапкаларынан докумуоннары биэрии – анаммыт бириэмэтинэн;

- Кэргэнниилэри регистрациялааһын – анаммыт бириэмэтинэн.

Ааты, араспаанньаны уларыттарыы өҥөтө кылгас болдьоххо тохтоон турар.

Саахса төл.: 50-64-64 (киһи төрөөтөҕүнэ), 50-64-62 (кэргэннии буолуу боппуруостара), 50-64-68 (киһи өллөҕүнэ).

Үлэ кэмэ: 09-00 – 18.00 ч.

Сайт: uprzags.sakha.gov.ru

Инстаграм: @uprzags

Биэнсийэлээхтэргэ

Биэнсийэ пуондатын кэккэ өҥөлөрүн эмиэ электроннай көрүҥүнэн туһаныахха  сөп. Судаарыстыбаннай уонна муниципальнай өҥөлөр биир кэлим порталларыгар (www.gosuslugi.ru) (ЕПГУ) эбэтэр страховкаламмыт киһи тус кабинетыгар (личный кабинет) киирэбит.

Судаарыстыбаннай өҥөлөргө биир кэлим порталга регистрацияланыы https://esia.gosuslugi.ru/registration/ сыылканан эбэтэр биэнсийэ пуондатын территориятааҕы уорганнарыгар оҥоһуллар. Бу уорганнарга туһанааччылары хааччыйар кииннэр үлэлииллэр. ЕПГУ-га регистрацияланнаххытына, биэнсийэ пуондатыттан наадалаах боппуруоскун уочарата суох быһаартарар кыахтанаҕын. Билигин кэккэ өҥөлөрүнэн туһанарга сайабылыанньа суруйан, электроннай көрүҥүнэн ыытыахха эбэтэр онлайн-эрэсииминэн наадалаах иһитиннэриини ылыахха сөп.

Өҥөнөн туһанарга сайабылыанньаны уонна наадалаах докумуоннары биэрээри, биэнсийэ пуондатыгар тус бэйэҥ бара сылдьыаххын баҕарар буоллаххына, пуонда сайтыгар эрдэттэн суруйтарыы сервиһин туһанар олус табыгастаах. Эбэтэр электроннай ньыманан сүбэ-ама биэрэр киинтэн ыйыталаһыахха сөп.

Биэнсийэ пуондатыгар оҥоһуллар электроннай өҥөлөр:

  • Ийэ хапытаалыгар судаарыстыбаннай сертификаты биэрии;
  • Страховой, мунньуллар уонна судаарыстыбаннай биэнсийэни биэрии;
  • Судаарыстыбаннай социальнай көмөнү биэрии туһунан нэһилиэнньэҕэ иһитиннэрии уо.д.а.
  • РФ тас өттүгэр олохтоохтук олоро барар нэһилиэнньэҕэ биэнсийэни анатыы;
  • Инбэлиит оҕону эбэтэр оҕо эрдэҕиттэн I группалаах инбэлиити көрөр дьоҥҥо ыйдааҕы төлөбүрү оҥоруу;
  • Үлэлиир кыаҕа суох киһини көрөөрү-харайаары үлэлээбэккэ олорор дьоҥҥо компенсация төлөбүрдэрин анааһын;
  • Мунньуллубут биэнсийэни тыырар туһунан страховкалаах дьонтон сайабылыанньаны ылыы уо.д.а.

***

Судаарыстыбаннай уонна муниципальнай өҥөлөрү интэриниэтинэн туһанарга үөрэниҥ, бириэмэҕитин харыстааҥ, аныгы технологиялары баһылаан, олоххутун чэпчэтиҥ!

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Сонуннар | 21.06.2022 | 17:49
Өрөспүүбүлүкэтээҕи «Туймаада ыһыаҕа-2022» бырааһынньык бырагыраамата
Буолар сирэ: «Үс Хатыҥ» этнографическай комплекс Ыытыллар күнэ-дьыла: 2022 сыл, бэс ыйын 25-26 күннэрэ
Саха төрүт култууратын өйүүр Ыйаахха илии баттанна
Сонуннар | 20.06.2022 | 12:40
Саха төрүт култууратын өйүүр Ыйаахха илии баттанна
Ил Дархан Айсен Николаев Саха өрөспүүбүлүкэтин эпоһын харыстыыр уонна бөҕөргөтөр ыйаахха илии баттаата. Үөһээ Бүлүүгэ ыытыллар Олоҥхо Ыһыаҕын аһыллар үөрүүлээх күнүгэр  «Олоҥхо дьиэлэрин биир кэлим ситимин уонна олоҥхоһуттары, оһуохайдьыттары, уустары – төрүт култуураны илдьэ сылдьар дьону судаарыстыба өйүүрүн туһунан» ыйаах олоххо киирдэ.   “Бу ыйаах өбүгэлэрбит хаалларбыт нэһилиэстибэлэрин харыстыырга уонна көлүөнэттэн...
Ыһыахха оптуобуһунан барар табыгастаах
Сонуннар | 19.06.2022 | 10:51
Ыһыахха оптуобуһунан барар табыгастаах
Үс Хатыҥ архитектура уонна этнография комплексыгар Туймаада Ыһыаҕар бэлэмнэнии тэтимирдэ.  Бэс ыйын 18 күнүгэр СӨ бырабыыталыстыбатын бэрэссэдээтэлин солбуйааччы Дмитрий Садовников оробуочай мунньаҕы ыытта. Мунньахха Дьокуускай баһылыгын солбуйааччы Антон Алексеенко, тустаах тэрилтэлэр үлэһиттэрэ, бэдэрээттээх тэрилтэлэр кытыннылар.  Антон Алексеенко иһитиннэрбитинэн, Нам суолугар бара турар өрөмүөнүнэн сибээстээн ыһыахха айаны хайдах тэрийэллэрин ырыттылар. Үлэ...