20.04.2023 | 18:00

Электроннай бэбиэскэ туттуҥ?

Муус устар 11 күнүгэр Судаарыстыбаннай дуума дьокутааттара байыаннай учуот реестригэр уларытыыны киллэрэр сокуону ылыннылар. Бу сокуон барыла Арассыыйаҕа байыаннай эбээһинэстээхтэри биир кэлим реестргэ түмэр уонна олохпутугар электроннай бэбиэскэ диэн өйдөбүлү киллэрэр.
Электроннай бэбиэскэ туттуҥ?
Ааптар: Лия АЛЕКСЕЕВА
Бөлөххө киир

Дойду үрдүнэн саамай ырытыллыбыт, билиҥҥи кэмҥэ ордук тоҕоостоох буолбут электроннай бэбиэскэ тула тугу билбиппитин сааһылаан таһаарабыт.

Дьокутааттар саҥа сокуону чаас аҥаарын иһинэн (37 мүнүүтэ көрдүлэр) көннөрүүтэ уонна биир да утары куоластааһына суох ылыннылар. Госдуума саҥа сокуон барылын тута үс ааҕыынан бигэргэттэ. КПРФ айдааны таһаарыан сөптөөх сокуон 60 страницата ырытыһыы буолуон 1,5 чаас эрэ иннинэ киирбитин этэн туран, маннык суһаллык ылыныыны утарса сатаабыта сатаммата. Түмүккэ 394 дьокутаат өйөөтө, 1 куоластыыртан туттунна, ким да утарбата.

2022 сыллаахха мобилизация саҕана көстөн тахсыбыт байыаннай учуот итэҕэстэрин бэрээдэктиир сыаллаах сокуон олоххо киирэн барыаҕа.

 

Ол аата хайдаҕый?

Судаарыстыбаннай уонна муниципальнай өҥөлөр порталларын нөҥүө бэбиэскэ туппут дьон 20 хонук иһигэр военкомакка тиийиэхтээхтэр.

Бэбиэскэ тутан баран тугу да гымматах киһи массыына атыылаһара, уруулга олороро, кирэдьиит ылара, хамсаабат баайы-дуолу бэйэтин аатыгар регистрациялыыра, “самозанятай” статуһугар эбэтэр предприниматель быһыытынан регистрацияланара көҥүллэммэт.

Бэбиэскэ туппут киһи Арассыыйа кыраныыссатыттан тахсыбат. Военкомакка кэлэн барбыт киһиэхэ эрэ, биллэн турар, оруннаах төрүөттээҕин дакаастаатаҕына эрэ, бу хааччах көтүрүллүөн сөп.

Учуокка илэ бэйэҕитинэн эрэ тиийэн тураҕыт.

Арассыыйа байыаннай саппааһыгар военкомакка бэлиэтэммэтэх да дьону киллэриэхтэрин сөп буолла.

Почтанан кумааҕынан ыытыллыбыт бэбиэскэ, илии баттаан заказной суругу ылбыт буоллаххытына, илиигитигэр туттарыллыбытынан ааҕыллар.

Электроннай бэбиэскэ кумааҕы бэбиэскэҕэ тэҥнэстэ.

Электроннай бэбиэскэ судаарыстыбаннай өҥө порталыгар тус кабинекка кэлбит күнүттэн күнэ ааҕыллан барар, 7 күн ааспытын кэннэ бэбиэскэлэр реестрдэригэр киирдэҕинэ, киһиэхэ туттарыллыбыт аатырар.

 

Арай тус кабинетыгар киирбэтэх буоллун?

Арассыыйа гражданина хас күн аайы судаарыстыбаннай өҥөлөр порталларыгар киирэр эбээһинэһэ суох. Сокуон ону модьуйбат. Военкомакка тиийимиэн эмиэ сөп – ыстараап көрүллэр.

 

Ол эрэн Госуслуги киирэн бэбиэскэни ааҕан баран, тугу да гымматах буоллаҕына, икки нэдиэлэнэн хааччахтар үлэлээн киирэн бараллар.

 

Маны таһынан, тэрилтэлэри уонна үөрэх кыһаларын байыаннай эбээһинэстээхтэр туһунан информацияны учуокка туруорарга анаан биэрэргэ эбээһинэстииллэр. Судаарыстыбаннай уорганнары барыларын саҥа систиэмэҕэ холбууллар.

Ис дьыалаҕа министиэристибэ, Федеральнай нолуок сулууспа, Киин быыбардыыр хамыыһыйа, федеральнай таһымнаах сууттар, Биэнсийэ уонна социальнай страховкалааһын пуондата, медицина тэрилтэлэрэ, үөрэхтээһин уонна наука тэрилтэлэрэ, РФ субьектарын судаарыстыбаннай былааһын уорганнара, Үөрэхтээһин министиэристибэтэ электроннай ньыманан байыаннай учуокка туруон сөптөөх дьон туһунан информацияны тиэрдэр эбээһинэстэнэллэр.

 

Электроннай реестргэ ханнык информация бэриллэрий?

Тус дааннайдар – араспаанньата, аата, аҕатын аата, төрөөбүт күнэ-дьыла уонна эр киһи/дьахтар буолара.

Пааспар дааннайдара барыта.

СНИЛС уонна ИНН.

Олорор сирэ (прописката да суох буоллаҕына).

Атын дойду гражданствотын эбэтэр ханнык тас дойдуга олорор кыахтааҕын туһунан (вид на жительство)  информация.

Байыаннай учуокка туруу уонна уһуллуу туһунан информация, байыаннай учуокка туруу докумуона.

Үлэлиир сирин, үөрэҕин, дипломун дааннайдарын.

Доруобуйатын туһунан информация.

Саҥа быраабыла аармыйаҕа эрэ барааччылары буолбакка, байыаннай эбээһинэстээхтэри барыларын хабар.

2023 сыллааҕы билиҥҥи буола турар аармыйаҕа ыҥырыыга бу быраабылалар тарҕамматтар.

 

Билигин дойду үрдүнэн мобилизация буолбакка, аармыйаҕа ыҥырыы (призыв) буола турар. Биһиги дойдубутугар аармыйаҕа ыҥырыы бара турар кэмигэр мобилизация ыытыллыбат – ол сокуоҥҥа баар.

 

РФ Бэрэсидьиэнин пресс-сэкирэтээрэ киин сир көрдөрөр-иһитиннэрэр ньымаларынан иһитиннэрбитинэн, саҥа сокуон мобилизацияны ыытарга туһуламмат, байыаннай учуоту модернизациялааһыҥҥа төһүү буолуохтаах.

 

Судаарыстыбаннай өҥөлөргө аккауну сотторор кыах тохтуу сылдьыбыта, онтон муус устар 11 күнүттэн төттөрү сотторуохха сөп буолбута.

 

Онон маннык түмүктэри оҥостобут:

Госуслуги кэлбит бэбиэскэ илиигэ туппут тэҥэ.

Аахпатах да буоллаххытына, тус кабинеккытыгар бэбиэскэ кэлбит буоллаҕына, кыраныысса таһыгар тахсыбаккыт.

Госуслуги аккаунун соттордоххутуна, кумааҕы бэбиэскэ ыытыахтарын сөп.

Почтаттан ылбатах да буоллаххытына, 7 күнүнэн бэбиэскэҕит реестргэ киирэр, ол аата туппукка тэҥнэһэр.

7 күнүнэн киһиэхэ бэбиэскэ туттарыллыбытынан ааҕыллар уонна кыраныыссаны туоруура хааччахтанар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.