Элбэх оҕолоохторго эбии социальнай өйөбүллэр туһунан ыйаах баттанна
Ил Дархан Айсен Николаев 2024 сыл балаҕан ыйын 1 күнүттэн олоххо киирэр элбэх оҕолонууну өйүүр эбии социальнай өйөбүллэр туһунан ыйааҕы баттаата.
Саҥа сокуонунан, Саха сиригэр олохтоох элбэх оҕолоох ыаллар олорор дьиэҕэ уонна хомунаалынай өҥө иһин олохтоммут төлөбүр 30%-тан итэҕэһэ суох чэпчэтиини ылар бырааптаахтар. Оҕолор саастарыттан уонна дьиэ кэргэн дохуотуттан тутулуга суох оскуолаҕа босхо итии аһылыгынан хааччыллар, уопсастыбаннай тырааныспарга босхо айанныыр буолуохтара.
Бу дьаһаллар 2024 сыл балаҕан ыйын 1 күнүттэн олоххо киириэхтэрэ.
Саха сиригэр бүгүҥҥү күҥҥэ 34 тыһыынча кэриҥэ элбэх оҕолоох дьиэ кэргэҥҥэ 118 тыһыынчаттан тахса оҕо иитиллэр. Өрөспүүбүлүкэҕэ ийэ буолууну уонна оҕо аймаҕы өйүүр үбүлээһин кээмэйэ 2018 сылтан 8-тан ордук төгүл улаатан (2018 сылга – 3,5 млрд солк.), 2024 сылга 29,5 млрд солк. тэҥнэһэн турар. Үбүлээһин кээмэйин улаатыннарыы, ол иһигэр Дьиэ кэргэн хапытаалын бырагыраамата, босхо сир учаастактарын анааһын о.д.а. оҕо төрөөһүнүн уонна ыалга үс уонна онтон элбэх оҕолонууну өйүүргэ туһулуналлар, диэн иһитиннэрэр Үлэ уонна социальнай сайдыы министиэристибэтэ.
Сонуннар
Ордук ааҕаллар
