Элбэх оҕолоох ыаллар оҕолоро куорат түмэлигэр босхо сылдьыахтарын сөп

Балаҕан ыйын 1 күнүттэн элбэх оҕолоох ыаллар оҕолоро Дьокуускай куорат историятын түмэлигэр босхо сылдьыахтарын сөп. Бу туһунан Олохтоох дьаһалта Култуураҕа уонна духуобунай сайдыыга управлениетыгар иһитиннэрдилэр.  
Ол курдук, элбэх оҕолоох ыаллар оҕолоро ханнык баҕарар күн кэлэн түмэл экспозициятын бэйэлэрэ босхо көрүөхтэрин сөп. 
Түмэлгэ киирии билиэт оҕолорго – 50 солк., улахан дьоҥҥо – 100 солк. Экскурсовод өҥөтө туспа төлөнөр. 
Бэлиэтээн эттэххэ, Арассыыйаҕа Дьиэ кэргэн сылыгар уонна Саха Өрөспүүбүлүкэтигэр Оҕо саас сылыгар СӨ Ил Дарханын Ыйааҕынан элбэх оҕолоох ыалларга социальнай өйөбүл эбии миэрэлэрэ көрүллэллэр. Ол иһигэр өрөспүүбүлүкэ судаарыстыбаннай уонна муниципальнай бас билиитигэр киирэр түмэллэргэ босхо сылдьыы эмиэ киирэр.  

Хаартыскалар: Олохтоох дьаһалта пресс-сулууспата