Элбэх оҕолоох ыаллар 1-11 кылаас үөрэнээччилэригэр босхо бырайыас көрүлүннэ

Саха Өрөспүүбүлүкэтигэр олохтоох элбэх оҕолоох ыаллар 1-11 кылааска үөрэнэр оҕолоро балаҕан ыйын 1 күнүттэн ыам ыйын 31 күнүгэр диэри муниципальнай уопсастыбаннай тырааныспарынан айаннарын төлөбүрүн сорох чааһын социальнай өйөбүл быһыытынан муниципалитеттар уйунар буолуохтара.
Төлөбүр муниципальнай тэриллии уопсастыбаннай тырааныспарын электроннай систиэмэтигэр холбоммут үөрэнээччи тус тырааныспар каартатын нөҥүө оҥоһуллар. Чуолаан бу каартанан үөрэнээччи ыйга 96 төгүл босхо айанныыр, 97-с айаныттан саҕалаан тус харчытынан сылдьар.
2024 сыл кулун тутар 28 күнүнээҕи чахчынан, Дьокуускай куоракка 10 901 элбэх оҕолоох ыал, ол иһигэр 16 160 оскуола үөрэнээччитэ (1-11 (12) кылаастар) бэлиэтэнэн турар.
Олохтоох дьаһалта пресс-сулууспата иһитиннэрэринэн, СӨ тырааныспарга уонна суол хаһаайыстыбатыгар миниистирин бирикээһин кытта сиһилии манна билсиэххэ сөп.