Элбэх оҕолоох ыалга улахан көмө

Киин куорат баһылыга Евгений Григорьев уонна Сайсары уокуругун управатын салайааччыта Владимир Слепцов Бессоновтар дьиэ кэргэннэригэр Билии күнүнэн бэлэхтэрин туттардылар. Ыал аҕата билигин анал байыаннай дьайыыга сылдьар. Бессоновтар биэс оҕолоохтор – биир устудьуон уонна түөрт оскуола үөрэнээччитэ. Бу күн оҕолорго үөрэх тээбиринин бэлэхтээтилэр, оттон ыал кыратыгар маҥнайгы кылаас үөрэнээччитигэр аналлаах набору туттардылар.

Владимир Слепцов бэлиэтээбитинэн, Олохтоох дьаһалта анал байыаннай дьайыыга кытта сылдьар байыаннай сулууспалаахтары куруук өйүүр.

«Евгений Николаевич саҥа үөрэх дьылынан оҕолорго бэлэх туттарда, оҕолор олус үөрдүлэр. Управаҕа араас сайаапка киирэр, онно хайаан да болҕомто уурабыт, төһө кыалларынан көмөлөһөбүт», – диэтэ кини.

Санатан эттэххэ, «Оҕону оскуолаҕа тэрий» көмө аахсыйа — саҥа үөрэх дьылын көрсө ыытыллар үтүө үгэскэ кубулуйбут тэрээһин. 

Хаартыска: yakutskcity.ru