«Эдэр уус» күрэх түмүктэннэ

Соторутааҕыта өрөспүүбүлүкэбитигэр баар орто үөрэх кыһаларын икки ардыларыгар ыытыллыбыт “Эдэр уус” күрэх түмүктэннэ. Устудьуоннар 8 көрүҥҥэ күрэхтэстилэр.

Куонкурус өбүгэ төрүт дьарыгар ыччаты сыһыарар, угуйар сыаллаах. И.Е. Винокуров аатынан Намнааҕы педагогическай колледж, Дьокуускайдааҕы технология уонна дизайн колледжа, Т.Г. Десяткин аатынан Дьокуускайдааҕы промышленнай техникум 37 устудьуона күөн көрүстүлэр, маастарыстыбаларын дьүүллүүр сүбэҕэ көрдөрдүлэр. Кыайыылаахтар «Эдэр күөсчүт» (мастер-керамист), «Эдэр хатайдааччы» (валяние), «Эдэр туосчут», «Эдэр кылтан өрөөччү», «Эдэр иистэнньэҥ», «Эдэр мас ууһа», «Эдэр муосчут», «Эдэр ювелир» анал ааттары ыллылар.