Эдэр чинчийээччилэр XXVII-с конференциялара ыытыллар

Академик В.П. Ларионов аатынан «Инникигэ хардыы – Professor V.P. Larionov «A Step into the Future» Science Fair» өрөспүүбүлүкэтээҕи XXVII-с куонкурус-конференцияҕа Дьокуускай куорат уокуругуттан 296 үөрэнээччи, СӨ Наука аччыгый академиятын квотатыгар олоҕуран, 38 оскуолаттан уонна  2 эбии үөрэхтээһин тэрилтэтиттэн 236 үлэнэн маннык секцияларынан кыттар:

«Точнай уонна фундаментальнай наукалар» – 13 үлэ, 16 кыттааччы;

«Информатика уонна компьютернай наукалар» – 18 үлэ, 27 кыттааччы;

«Техника уонна Технология» – 20 үлэ, 31 кыттааччы;

«Сир уонна тулалыыр эйгэ туһунан наука» – 30 үлэ, 38 кыттааччы;

«Естественнэй наукалар» – 41 үлэ, 50 кыттааччы;

 «Историческай уонна уопсастыбаннай наукалар»31 үлэ, 38 кыттааччы;

 «Култуура уонна искусство» – 33 үлэ, 39 кыттааччы;

 «Филология» – 24 үлэ, 25 кыттааччы;

 «Педагогическай наукалар уонна психология» – 26 үлэ, 32 кыттааччы.

Быйыл саамай элбэх кыттааччы Саха политехническэй лицейтэн, «Айыы Кыhата» национальнай гимназиязияттан, А.Г. уонна Н.К. Чиряевтар ааттарынан Дьокуускай куораттааҕы национальнай гимназияттан,  Ф.И. Авдеева аатынан Оҕо айымньытын дыбарыаһыттан баар.

Куонкуруска кыттарга салайааччылар, педагог-настаабынньыктар улахан сыраларын биэрэллэр. Ол курдук, муниципальнай  түһүмэххэ «Глобальнай үөрэхтээһин киинэ» гимназия нуучча тылыгар уонна литературатыгар учуутала  А.Г. Сверчкова 7 кыайыылаах үөрэнээччилээх, 7-с №-дээх орто оскуола химияҕа учуутала Л.А. Блюммер, 33-с №-дээх орто оскуола физикаҕа учуутала Г.И. Мачахова 4-түү кыайыылаах үөрэнээччилэрдээхтэр.