«Эдэр аграрий» куонкурус быйыл аан бастаан ыытыллыаҕа

«Муус устар-2024» бэстибээл «Тыа хаһаайыстыбатын производствотын тэрий!» хайысхатын чэрчитинэн быйыл аан бастаан «Эдэр аграрий» күрэх ыытыллаары турар. 
Маҥнайгы түһүмэххэ улуустар үс киһиттэн турар хамаанданы тэрийэллэр – агроном, зооинженер уонна урбаанньыт. Олунньу 16 күнүгэр былааннанар иккис өрөспүүбүлүкэтээҕи түһүмэххэ хамаандалар дьүүллүүр сүбэҕэ дьиэтээҕи сорудахтарын көрдөрөллөр уонна зачет туттараллар. Манна үс хаһаайыстыба сайдыытын стратегиятын көрдөрөллөр – хаалынньаҥ, орто баайыылаах уонна үрдүк көрдөрүүлээх, маны сэргэ бэйэлэрин хаһаайыстыбалара оҥорон таһаарбыт бородууксуйатын быыстапкалыылллар. Бэстибээл кэмигэр бородууксуйаны атыыга таһаарар кыахтаахтар. 
«Эдэр аграрий» куонкуруска кыттарга олунньу 8 күнүгэр диэри https://goo.su/5lzfJ сыылканан тургутугу ааһыахха наада. Интеллектуальнай оонньуу балаһыанньата: https://vk.com/doc1799150_671533231?hash=gy9oqBfKYldF8EamSN3etdbvQwwBhQ9XYPZLtLqdiC8&dl=5Tk7Fw8MThrLdjqysUXctXa595jtMul89pug2a5xBSD.
Санатар буоллахха, былырыыҥҥы «Муус устар» бэстибээлгэ 10 тыһыынча кэриҥэ ыччат кыттыыны ылбыта. Бэстибээл тэрээһиннэрэ киин куорат Н.Д. Неустроев аатынан SMART-библиотекатыгар, «Точка кипения», Эстрада тыйаатырыгар, ХИФУ о.д.а. ыытыллыбыттара. Оттон тэрийээччилэринэн Саха Өрөспүүбүлүкэтин Бырабыыталыстыбата уонна «Эльгауголь» хампаанньа буолаллар, диэн Ил Дархан уонна Бырабыыталыстыба пресс-сулууспата иһитиннэрэллэр.