05.04.2022 | 18:00

Эбии 20 саҥа оптуобус кэллэ

Эбии 20 саҥа оптуобус кэллэ
Ааптар: Киин Куорат

Саха сиригэр Саха АССР төрүттэммитэ 100 сылын көрсөр тэрээһиннэр чэрчилэринэн эбии бары өттүнэн табыгастаах саҥа 20 КАВЗ оптуобус кэллэ. Бу туһунан Олохтоох дьаһалта пресс-сулууспата иһитиннэрдэ.
Бу күннэргэ киин куоракка бастаан 13, онтон эбии 7 оптуобус кэллэ. Барыта Дьокуускай территориятыгар 63 оптуобус кэлбитэ, сотору кэминэн хаалбыт 37-ни күүтэллэр. 
Саха сирин тырааныспарга уонна суол хаһаайыстыбатыгар миниистирэ Владимир Сивцев информациятынан, оптуобустары саҥардыы РФ Минпромторгун гааһынан сылдьар тиэхиньикэтин субсидиялааһын бырагырааматыгар кыттыыбыт түмүгэ. Саха сирин Ил Дархана Айсен Николаев ВЭФ-2021 кэмигэр Минпромторг баһылыга Денис Мантуровтыын  Дьокуускайга уопсастыбаннай тырааныспар саҥардыытын туһунан  кэпсэтиини ыыппыта. 
100 оптуобустан 90-на куорат иһигэр, 10-на улуустар икки ардыларыгар сүүрүөхтэрэ. «ЯПАК» МУТ 65 оптуобуһу, «Союз Авто» кэмиэрсийэтэ суох тэрилтэ чааһынай таһааччылара 35-һи ыллылар.
Куорат иһигэр сүүрэр «КАВЗ» оптуобустар 84 пассажирскай миэстэлээхтэр (28 олорор уонна биир инбэлиит кэлээскэтин миэстэтэ), куорат кытыытыгар сылдьар оптуобустар 35-тэн 39-ка диэри миэстэлээхтэр. «Вектор» типтээх оптуобуска миэстэтэ – 30.
Саҥа оптуобустар биһиги тыйыс усулуобуйабытыгар үлэлииргэ анаммыттар, иккилии хос түннүктээх, салон иһигэр эбии ититиилээх, кондиционердаах. Биһиги туманнаах кыһыннарбытыгар анаан кыһыл өҥнөөх оптуобустары талбыттар.
Манна даҕатан эттэххэ, өрөспүүбүлүкэ судаарыстыбаннай бүддьүөтүттэн оптуобустары атыылаһыы төлөбүрдэрин лизинговай дуогабардарын сороҕо төлөнөр.
Саҥа оптуобустары туттарыы муус устар 27 күнүгэр – Саха Өрөспүүбүлүкэтин Күнүгэр буолар.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.