Дырыһааҥкыта оҥостуҥ

Благовещенскай мединститутун бүтэрбит, Кемеровоҕа хас да сыл үлэлээбит быраас, Ытык Күөлтэн төрүттээх Федорова-Толстоухова Евдокия Васильевна сүбэтэ:

– Дырыһааҥкы кальцийынан олус баай. Дырыһааҥкыны куурусса төбөтүттэн, атаҕыттан, сибиинньэ тириититтэн, кулгааҕыттан кытары, балыгы ыбылы буһаран, наһаа аһыы туустаабакка, тумалаабакка, күн өрүү-өрүү сиэххэ наада. Онтон буһарыллыбытын кэннэ сиидэлэнэн ылыллыбыт уҥуохтар, өҥүргэстэр эмп буолаллар. Иккиһин эмиэ дырыһааҥкы курдук буһаран, эбии туус, тума кутан сойутуллар. Ол убаҕас, сиҥэ курдук буолар. Ону олох кыратык эмиэ күнү өрөтөн иһиллэр. Оттон уҥуохтарын, уура сылдьан, кириллэр. Туох кэлэринэн. Ол элбэх калийдаах, кальцийдаах. Ону кирэргэ, килиэби сиэххэ наада. Киирэн оһоҕоско баар шлакка сыстыбатын наадатыгар. Хаалбыт уҥуоҕу гараас, баанньык оһоҕор уматан, бириһиэн курдук халыҥ таҥаска уган, молотуогунан үлтү охсуллар. Икки хос сиидэс таҥас мөһөөччүккэ уган, таас бааҥкаҕа тэбээн, ону быычыкаайыгы, чаайынай ньуоска төбөтүгэр баһан сиигин, уу иһэҕин. Итини шахтёрдар, аллара үлэлэригэр сииктэн, наар атахха ноҕоруускалаах буолан, сүһүөхтэрэ ыалдьар дьон, итинник туһаналлара үһү. Саастаах дьон итинник эбиниэн наада. Кальций-никомед састааба эмиэ итинник.