"Дыгын оонньуулара" сэргэхтик аастылар
Күүтүүлээх-кэтэһиилээх “Дыгын оонньуулара” болҕомтону тартылар.
Күрэхтэһиилэр көрөөччүлэрэ суох ыытылыннылар. “Саха” КИНХ телевидениетэ уонна араадьыйата быһа биэриилэри оҥороннор өрөспүүбүлүкэ бүтүннүүтэ астына-дуоһуйа көрдө-иһиттэ. 13 дэгиттэр уоланнар ким бастыҥын сэттэ көрүҥҥэ быһаарыстылар.
Икки күннээх эрийсиилээх, сыралаах киирсиилэргэ “3х3” атах оонньуутугар “Дыгын оонньууларын” түөрт төгүллээх кыайыылааҕа Хаҥаластан Егор Филиппов, “тутум эргииргэ” өрөспүүбүлүкэ рекордсмена Кэбээйиттэн Алексей Уваровскай, мас тардыһыытыгар уонна 100 кг ыйааһыннаах куулу көтөҕөн ыраах илдьиигэ тааһы көтөҕөн илдьиигэ өрөспүүбүлүкэ рекордсмена, мас тардыһыытыгар аан дойду чөмпүйүөнэ Горнайтан Дьулустаан Ноговицын, бастааннар анал бириистэри ылаттаатылар. Амматтан атах оонньуутун маастара, өрөспүүбүлүкэ күүстээх быһыйа, оҕунан ытыыга уонна сүүрүүгэ бастаан Росгвардия байыаһа, Амма уолана Леонид Филиппов быйылгы “Дыгын оонньууларын” абсолютнай чөмпүйүөнүнэн буолары ситистэ уонна 1 мөл.харчынан наҕараадаланна!
Намтан Артем Варданян иккис, Хаҥаластан Егор Филиппов үһүс миэстэлэнэннэр, эр-биир “Буранынан” уонна матассыыкылынан биһирэннилэр. Сүрүн бириистэри Чурапчыттан “Прогресс” тутуу тэрилтэтин салайааччыта Алексей Семенович Пинигин туруортаата.
Сонуннар
Ордук ааҕаллар
