21.12.2022 | 13:00

Дойду бэрэсидьиэнэ Виктор Потаповы «Арассыыйа норуодунай учуутала» бочуоттаах аатынан наҕараадалаата

Ахсынньы 20 күнүгэр, Москваҕа, Кремль Екатерининскай саалатыгар, дойду бэрэсидьиэнэ Владимир Путин өрөспүүбүлүкэтээҕи лицей-интернат физикаҕа учуутала Виктор Филиппович Потаповы «Арассыыйа норуодунай учуутала» бочуоттаах аатынан наҕараадалаата.
Дойду бэрэсидьиэнэ Виктор Потаповы «Арассыыйа норуодунай учуутала» бочуоттаах аатынан наҕараадалаата
Ааптар: Киин Куорат
Бөлөххө киир

Виктор Потапов харда тылыгар настаабынньыктарын, кэллиэгэлэрин уонна үөрэнээччилэрин ахтан аһарда.

«Бэйэбин дьоллоох киһинэн ааҕабын. Олоҕум тухары дьоһун олоҕу олорбут уһулуччулаах дьону көрсүбүтүм. Ити – мин настаабынньыгым, ССРС норуодунай учуутала Алексеев Михаил Андреевич, кини сэрии маҥнайгы күнүгэр өстөөҕү кыраныыссаҕа көрсүбүтэ, концлааҕыры ааспыта уонна олоҕун оҕону иитиигэ анаабыта», - диэтэ Виктор Филиппович.

Арассыыйа норуодунай учуутала Саха сиригэр бастакы физико-математическай кылаастар 60-с сыллартан аһыллыбыттарын, кинилэргэ олоҕуран 90-с сылларга лицейдэр, гимназиялар баар буолбуттарын, кинилэр үөрэнээччилэрэ билигин өрөспүүбүлүкэ уонна Арассыыйа чэчирии сайдалларын туһугар үлэлииллэрин туһунан эбэн эттэ.

«Чулуу дьон ахсааныгар – учууталларым, Ленинградтааҕы судаарыстыбаннай университет физическэй факультетын преподавателлэрэ, кинилэр улахан дойдубут араас омук устудьуоннарын бэриниилээхтик уонна үтүө суобастаахтык үөрэппиттэрэ. Ити – мин кэллиэгэлэрим, бииргэ 45 сыл үлэлээтибит, кинилэргэ уонна үөрэнээччилэрбэр улахан махтал», - диэн бэлиэтээтэ Виктор Филиппович.

Виктор Потапов – РФ уонна Саха сирин үтүөлээх учууталлара, педагогикаҕа М.А. Алексеев аатынан өрөспүүбүлүкэ судаарыстыбаннай бириэмийэтин лауреата.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...