12.05.2022 | 11:30

Дьоруойдар бириистэригэр

Дьоруойдар бириистэригэр
Ааптар: Иннокентий АММОСОВ, Татьяна КОПЫЛОВА, СӨ Ат успуордун толорооччу дириэктэрэ уонна Максим ДЕМИН хаартыскаҕа устуулара
Бөлөххө киир

Арассыыйабыт бүттүүнүн үрдүнэн дойдубут биир саамай ытык уонна дириҥ суолталаах бырааһынньыгын – Улуу Кыайыы өрөгөйдөөх 77 сылын бэлиэтээбит.

Ыам ыйын 9 күнэ дойдубут историятыгар сууйуллубат-сотуллубат кыһыл көмүс буукубаларынан суруллан, дьон-норуот өйүттэн-санаатыттан хаһан да умнуллуо, өлбөөдүйүө суоҕа. Биһиги эйэлээх олоххо төрөөн, үүнэрбит-сайдарбыт туһугар бэйэлэрин тыыннарын кэрэйбэккэ кыргыспыт дьоруойдарбыт ааттарыгар сүгүрүйэн, ыам ыйын 10 күнүгэр Дьокуускайга Саха АССР тэриллибитэ 100 сылынан күүтүүлээх-кэтэһиилээх ат сүүрдүүтэ ыытылынна.

 

Артиллерист, Сталинград кыргыһыытын Дьоруойа, Мамаев булгунньаҕар хорсун быһыыны көрдөрбүт Гавриил Дмитриевич Протодьяконов аатынан бириис. Уһуна – 800 м. Тыйдарга. СӨ Ат спордун федерацията 50 000 солк. кээмэйдээх бирииһи туруорда.

I миэстэ – Верба (Амма). Көрдөрүүтэ: 55 с. 04. Кыайыылаах Верба баайааччыта Николай Громов, сүүрдээччитэ Спиридон Тимофеев;

II миэстэ – Шугар Кид (Мэҥэ Хаҥалас). Көрдөрүүтэ: 55 с. 44;

III миэстэ – Али Баба‒Амма. Көрдөрүүтэ: 55 с. 58. 

 

Артиллерист, бойобуой офицер, биллиилээх суруналыыс, Дьоруой Николай Алексеевич Кондаков аатынан бириис. Уһуна – 2400 м. Үстэриттэн үөһээ саастаах Саха сиригэр төрөөбүт сүүрүк сылгыларга. СӨ Ат спордун федерациятын бэрэсидьиэнин Руслан Федотов бирииһэ – 25 000 солк., «Мархатааҕы сибиинньэ комплекса» – 10 000 солк.

I миэстэ – Блэк Грек (Амма). Көрдөрүүтэ: 2 м. 53 с. 44. Тренерэ Анатолий Баишев, жокейа Валентин Иванов;

II миэстэ – Голден Асс (Үөһээ Бүлүү). Көрдөрүүтэ: 2 м. 54 с. 02.

III миэстэ – Арабика (Таатта). Көрдөрүүтэ: 2 м. 58 с. 48.

 

Днепр өрүһү бастакынан туораан, аармыйа кимэн киириитин хааччыйбыт Дьоруой Федор Кузьмич Попов аатынан бириис. Уһуна – 1200 м. Саха сиригэр төрөөбүт тиҥэһэлэргэ. «Мэҥэ Хаҥалас улууһа» муниципальнай оройуон дьаһалтата 150 000 солк. туруорда.

I миэстэ – Динамика (Мэҥэ Хаҥалас). Көрдөрүүтэ: 1 м. 19 с. 90. Тренерэ Станислав Тимофеев, жокейа Семен Гаврильев. Динамика мэҥэ хаҥаластар аатырбыт биэлэрин Нарыйаана Куо СӨ Бэрэсидьиэнин бирииһигэр сүүрдүү 2009 сыллааҕы кыайыылааҕа Данк Шоттан кыыһа;

II миэстэ – Анабыл (Мэҥэ Хаҥалас). Көрдөрүүтэ: 1 м. 20 с. 42;

III миэстэ – Тойон (Хаҥалас). Көрдөрүүтэ: 1 м. 22 с. 57.

Тиҥэһэлэр мантан сайын СӨ Дербитигэр сүүмэрдээһини аастахтарына сырсыахтара.

 

Аатырбыт снайпер, Дьоруой Иван Николаевич Кульбертинов аатынан бириис. Уһуна – 1400 м. Үс саастарыттан үөһээ саастаах ыраас хааннаахтарга. Бириискэ Өлүөхүмэ улууһун дьаһалтата 75 000 солк., «202 калибр» маҕаһыын сэртипикээт туруордулар.

I миэстэ – Эйр Бен Барс (Уус Алдан). Көрдөрүүтэ: 1 м. 30 с. 44. Баайааччыта уонна сүүрдээччитэ Виталий Петров;

II  миэстэ – Есаул (Нам). Көрдөрүүтэ: 1 м. 32 с. 70;

III миэстэ – Брокер Барс (Мэҥэ Хаҥалас). Көрдөрүүтэ: 1 м. 33 с. 28.

 

Аатырбыт снайпер, Дьоруой Федор Матвеевич Охлопков аатынан бириис. Уһуна – 1600 м. Үс саастарыттан үөһээ саастаах Саха сиригэр төрөөбүт сүүрүк сылгыларга. Бириискэ «Томпо улууһа» муниципальнай оройуон дьаһалтата 150 000 солк. туруорда.

I миэстэ – Нунизматик (Үөһээ Бүлүү). Тренерэ Андрей Неустроев, сүүрдээччитэ Александр Медведев, II-с категориялаах жокей. Арассыыйаҕа уонна кыраныысса таһыгар сүүрдүбүт уол. Былырыыҥҥы дербист көрдөрүүтэ: 1 м. 48 с. 68;

II миэстэ – Найт Шот (Амма). Көрдөрүүтэ: 1 м. 51 с. 56;

III миэстэ – Гоин Ап (Нам). Көрдөрүүтэ: 1 м. 53 с. 82.

 

 Өстөөх амбразуратын бэйэтинэн бүөлээбит Дьоруой Клавдий Карпович Краснояров аатынан бириис. Дистанция уһуна – 1800 м. Үс саастарыттан үөһээ саастаахтарга.  СӨ Ат спордун федерацията уонна «Өлүөнэтээҕи холбоһуктаах пароходство» ААУо бириистэрэ – 40 000 солк.

I миэстэ – Крит (Мэҥэ Хаҥалас). Көрдөрүүтэ: 1 м. 54 с. 63. Баайааччыта Станислав Тимофеев, сүүрдээччитэ Семен Гаврильев;

II миэстэ – Торреро (Амма). Көрдөрүүтэ: 1 м. 55 с. 46;

III миэстэ – Квит (Үөһээ Бүлүү). Көрдөрүүтэ: 1 м. 57 с. 26.

 

Батальон хамандыыра, Берлини ылыыга хорсун быһыыны көрдөрбүт Дьоруой Николай Николаевич Чусовской аатынан бириис. Уһуна - 2000 м. Түөртэриттэн үөһээ саастаахтарга. «Ньурба улууһа» муниципальнай оройуон дьаһалтатын бирииһэ – 150 000 солк.

I миэстэ – Свидетель Барс (Амма). Тренерэ Анатолий Баишев, сүүрдээччитэ Валентин Иванов. Көрдөрүүтэ: 2 м. 15 с. 54;

II миэстэ – Райзинг Кинг (Горнай). Көрдөрүүтэ: 2 м. 15 с. 93;

III миэстэ – Эллизиум (Ньурба). Көрдөрүүтэ: 2 м. 16 с. 51.

Бэс ыйын 12 күнүгэр 1400+1800+2000 м устаҕа сүүрбүт сылгылар СӨ Ил Дарханын бирииһигэр кыттар быраабы былдьаһыахтара. 

3200 м. чииптээх саха сылгыларыгар кэмиэрчэскэй сүүрдүү: I миэстэ – Дьаҕылтай, II миэстэ – Харачаас (хаҥаластар).

 

Түмүккэ тус санаа

Аан дойду бүттүүнүн үрдүнэн бүрүүкээбит коронавирус ыарыы арыый намыраан, санитарнай ирдэбиллэри тутуһан, Арктикатааҕы судаарыстыбаннай агротехнологическай университет (уруккута: Саха судаарыстыбаннай тыа хаһаайыстыбатын академията) ректорын эбээһинэһин билиҥҥи кэмҥэ толоро сылдьар Валерий Иннокентьевич Федоров, УЛУУ КЫАЙЫЫНЫ уһансыбыт Дьоруойдар ааттарынан сүүрдүүнү Ат спордун федерациятын кытары көҕүлээн тэрийбиттэрэ, трибунаны уонна көньүүһүнэни өрөмүөннэппиттэрэ олус үчүгэй. Салгыы маннык тэтимнэрин ыһыктыбакка, сүүрдүүлэри тэрийэллэригэр баҕарабын.

Аҕыйах тылы бириистэргэ эттэххэ сатаныыһы. Дьоруойдаах улуустар бука бары Кыайыы күнүн сүүрдүүтүгэр туруорар бириискитин эһиилги бүддьүөккүтүгэр киллэрэн, биир дойдулаахтаргыт ааттарын салгыы үйэтиттэргит.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.