«Герой күнэ» патриотическай ырыа II-с ыччат бэстибээлин гаала-кэнсиэрэ буолар

Ахсынньы 9 күнүгэр Ю.А. Гагарин аатынан Култуура уонна аныгы искусство киинигэр Аҕа дойду геройдарын күнүгэр уонна «Килбиэннээх үлэ куората» – Дьокуускайы чиэстээһиҥҥэ анаммыт «Герой күнэ» патриотическай ырыа II-с ыччат бэстибээлин гаала-кэнсиэрэ ыытыллар.

Бэстибээл сыала уонна соруга: байыаннай-патриотическай ырыалары киэҥник тарҕатыы, Бүтүн Арассыыйатааҕы өйдөбүнньүк даатаны – Арассыыйа геройдарын күнүн үйэтитии; СӨ үөрэнээччилэригэр уонна ыччатыгар Арассыыйаҕа, Саха сиригэр, кинилэр историяларыгар сыһыаннаах патриотическай уонна гражданскай өйү-санааны иҥэрии; Аҕа дойдуну көмүскээччилэр сырдык өйдөбуллэригэр ытыктабылы көлүөнэттэн көлүөнэҕэ тириэрдии; самодеятельнэй кэлэктииптэр, дуэттар уонна солистар толорор маастарыстыбаларын уонна сценическэй култуураларын үрдэтии.

Кэнсиэр 15:00 чаастан саҕаланар. Киирии – босхо. 

Билсэр төлөпүөн: +7 (914) 108-03-42

Сиһилии информация: gagarin-cultcenter.ru