19.02.2021 | 08:32

ДОРУОБУЙАЛАРЫН КӨРҮНЭР ДЬОНУ ХОЛОБУР ОҤОСТУОҔУҤ!

ДОРУОБУЙАЛАРЫН КӨРҮНЭР ДЬОНУ ХОЛОБУР ОҤОСТУОҔУҤ!
Ааптар: Киин Куорат

2021 сылы Ил Дархан Доруобуйа, чэбдигирии сылынан биллэрбитэ.

Бүгүн сэһэргиир дьонум, Инбэлииттэр Дьокуускай куораттааҕы уопсастыбаларын бэрэссэдээтэлэ Е.Д.Емелина этэринэн,  чөл олох пропагандистара, адаптивнай физкультура уонна спорт көхтөөх энтузиастара, киин куорат хомуур хамаандатын чилиэннэрэ.

Наталья Николаевна Никифорова 61 саастаах.  Дьокуускайдааҕы медучилищены бүтэрээт, 25 сыл Сунтаардааҕы аптекаҕа фармацевтаабыт. Үрдүкү категориялаах, «Фармация туйгуна» уонна «РФ социальнай сулууспатын 100 сыла» бэлиэлэрдээх.

2006 сылга ыалдьан инбэлииккэ тахсыбыт. Доруобуйатын чөлүгэр түһэрэр баҕа санаатынан кынаттанан, 2015 сылга Дьокуускайга көһөн кэлэр. «Самородок» кииҥҥэ утумнаахтык дьарыктанан, доруобуйатын чэбдигирдэрин таһынан дуобакка, харбааһыҥҥа, волейболга, хабылыкка, хаамыскаҕа уонна керлинг күрэхтэһиилэригэр ситиһиилэрдээх. Ону элбэх мэтээллэрэ, кубоктара туоһулууллар.

Ордук үлүһүйэн саха национальнай остуол оонньууларынан –  «хаамыска», «хабылык» көрүҥнэринэн дьарыктанар. Бу көрүҥнэргэ киһиэхэ түргэн-тарҕан хамсаныы, болҕомтолоох буолуу, имигэс тарбахтар туһалыыллар, сайдаллар. Тренерэ Э.П.Николаеваҕа махтанар.

Наталья - уопсастыбанньык. Остуол оонньууларыгар Саха сирин Федерациятын чилиэнэ, уопсастыбаннай судьуйа, инструктор, методист. Маны таһынан, уус-уран көрүүлэргэ оһуохай таһаарааччы, солистка, хомоҕой хоһоонньут.

Марк Николаевич Васильев 57 саастаах. Ньурбатааҕы култуура отделыгар саха хомуһун оҥорууга маастарынан үлэлии сылдьан, үөрэммит Убайаан орто оскуолатыгар остуол тенниһигэр тренеринэн көһөр. Үөрэнээччилэрэ спортивнай ситиһиилэринэн үөрдэллэр, салгыы физругунан эмиэ үлэлээн, оҕолор доруобуйаларын бөҕөргөтүүгэ бэйэтин  сэмэй кылаатын киллэрэ сылдьан 2006 сылга инбэлииккэ тахсар.

Сэттэ сыллааҕыта Дьокуускайга көһөн кэлэр. «Самородокка» остуол тенниһигэр тренеринэн үлэлээн, бэйэтин утумнуур адаптист-спортсменнары бэлэмниир. I группалаах инбэлиит эдэрдэргэ үтүө холобур буолар. Кини – остуол тенниһигэр, чэпчэки атлетикаҕа, волейболга Саха сирин 10 төгүллээх чөмпиона. Өрөгөй ситиһиитинэн «ПараКрым-2018» диэн күрэхтэн остуол тенниһигэр III миэстэ буолан, боруонса мэтээллээх кэлбитин ааҕар.

Марк – СӨ остуол тенниһигэр Федерациятын чилиэнэ, уопсастыбаннай фотограф, пресс-сэкирэтээр.

Александра Слепцова Абый улууһуттан төрүттээх. Идэтинэн оҕо уһуйаанын иитээччитэ. Кэргэннээх, икки оҕолоох.

Дьокуускайга 2005 сыллаахха эмтэнэ кэлбит. Быраастар эмтэммэт ыарыыны булбуттар, тутатына үлэлиир бырааба суох I  группалаах инбэлиит статуһун биэрбиттэр. Сылга иккитэ чөлүгэр түһэриигэ эмтэнии кууруһун барар. Иллэҥ кэмигэр доруобуйатын көннөрүнэ «Самородокка» дьарыктанар. Адаптивнай спорт көрүҥнэригэр: дартска, волейболга, салгын саатынан ытыыга кыайан 11 мэтээллээх.

Олоххо тардыһыылара күүстээх, хайа да уустук, ыарахан түгэҥҥэ санаалара бөҕөх буолан, туруоруммут сыалларыгар иннилэрин хоту кимэн иһэр күүстээх санаалаах дьоммутугар өссө да үгүс ситиһиилэри, кыайыылары баҕарабыт.

Григорий Михайлов - Дьулҕан

Сонуннар

Ордук ааҕаллар

Саха снайпера Пантелеймон Руфов
Дьон | 11.07.2021 | 11:30
Саха снайпера Пантелеймон Руфов
Пантелеймон Руфов Үөһээ Бүлүүттэн төрүттээх, Руфовтар иллээх  дьиэ кэргэттэригэр төрдүс уол оҕонон төрөөбүт. Кини билигин Рязань куоракка аармыйа генерала Василий Филиппович Маргелов аатынан воздушно-десантнай гвардейскай училищены бүтэрэн кэллэ. Бу саха оҕотугар олус сэдэх көстүү буоларынан сибээстээн эһиэхэ Пантелеймоннуун кэпсэтиибин таһаарабын. - Биэс сыллаах үөрэҕи бүтэрдим. Манна офицердар, спецназтар иитиллэн үөрэнэн...
Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...