«Доруобуйа» мультимедийнай парка арылынна
![«Доруобуйа» мультимедийнай парка арылынна](https://kiinkuorat.ru/wp-content/uploads/2024/05/1qwJrBw94t.jpg)
Дьокуускай SMART-библиотекатыгар СӨ доруобуйа харыстабылын министиэристибэтин уонна Олохтоох дьаһалта өйөбүллэринэн «Доруобуйа» мультимедийнай парка арылынна.
Уопсастыбаннай доруобуйа уонна медицинэ профилактикатын киинин аныгы технологияларга олоҕурар сонун бырайыага улаатан эрэр оҕолорго чөл олох туһунан сөптөөх өйдөбүллэри иҥэрэр аналлаах.
Бу күн 21№-дээх оскуола уонна ЦГО 5-7 кылаастарын үөрэнээччилэрэ «Питательное приключение» виртуальнай оонньууга кытыннылар. Ол курдук, маҕаһыынтан доруобуйаҕа туһалаах астары атыылаһарга үөрэннилэр. Үөрэнээччи VR-ачыкынан көрөр аһын исписэлиистэр тутатына интерактивнай дуоскаҕа көрдөрөн истилэр. Бырайыак итини таһынан VR-ачыкы көмөтүнэн киһи хайа баҕар уорганын иһиттэн көрөр, үөрэтэр кыаҕы биэрэр.
Тэрийээччилэр инникитин куорат оскуолаларынан, лааҕырдарынан сылдьан чөл олох туһунан лиэксийэлэри ааҕар, оонньуулары ыытар былааннаахтар.
Өрөспүүбүлүкэтээҕи уопсастыбаннай доруобуйа уонна медицинэ профилактикатын киинин сүрүн бырааһа Алёна Никитина этэринэн, чөл олоҕу тутуһуу, чөл олох туһунан сөптөөх өйдөбүллэри иҥэринии ордук оҕо сааска, киһи этэ-сиинэ, уйулҕата ситэр кэмигэр тоҕоостоох. Ол туһунан Өрөспүүбүлүкэтээҕи уопсастыбаннай доруобуйа уонна медицинэ профилактикатын киинэ иһитиннэрэр.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)