«Доруобуйа» мультимедийнай паарка үлэлиэҕэ

Ахсынньы 5 күнүгэр Олохтоох дьаһалта Уопсастыбаннай сибээстэргэ уонна ыччат политикатыгар управлениетын начаалынньыга Андрей Михайлов «Доруобуйа» мультимедийнай пааркаҕа кэлбит тэрили тутарга кытынна.

 «Ыччат. Дьиэ кэргэн. Спорт – Чэгиэн куорат» муниципальнай бырагыраама чэрчитинэн тэриллэр «Доруобуйа» мультимедийнай паарка, бу ыйтан саҕалаан, мобильнай көрүҥүнэн үлэлиэҕэ, онтон салгыы өрөспүүбүлүкэтээҕи Уопсастыбаннай доруобуйа уонна медицинскэй сэрэтэр үлэ киинин территориятыгар баар буолуоҕа.

Пааркаҕа киһи этин-сиинин үтүктэн оҥоһуллубут моделлар, куһаҕан дьаллыктары сэрэтэр интерактивнай тэриллэр, чөл олоҕу пропагандалыыр магнитынан сыһыарыллар оонньуулар уо.д.а. баар буолуохтара.

Киин сотрудниктара квалификацияларын үрдэтэр куурустары бары аастылар.