25.02.2022 | 14:00

Доруобуйа декадата ыытыллар

Доруобуйа декадата ыытыллар
Ааптар: Киин Куорат
Бөлөххө киир

Олунньу 27 күнүттэн кулун тутар 8 күнүгэр диэри (ити күнү киллэрэн туран), регионнааҕы национальнай “Доруобуйа күнүн” чэрчитинэн, Доруобуйа декадата ыытыллар. Үгэс курдук, СӨ бэрэсидьиэнин 2000 сыл тохсунньу 17 күнүнээҕи 945 №-дээх ыйааҕынан, олунньу бүтэһик баскыһыанньатыгар национальнай Доруобуйа күнэ бэлиэтэнэр. 
Олунньу 25 күнүгэр “Туймаада” атыы-эргиэн киинигэр аахсыйа ыытыллара былааннанар. Манна ким баҕалаах терапевт-бырааска көрдөрүнэр, дабылыанньатын, сатурациятын, саахарын, холестеринын кээмэйдэтэр, В, С гепатитка, ВИЧ, Luis ыарыыларга анаалыс туттарар, сүбэ-ама ылар кыахтаах. Итиннэ уопсастыбаннай доруобуйа, ыарыыны сэрэтэр киин уонна “СПИД-киин” быраастара үлэлиэхтэрэ. Маны сэргэ медик-волонтердар “флешмоб” көрдөрүөхтэрэ. 
Декада чэрчитинэн балыыһаларга, поликлиникаларга “Ийэ доруобуйата”, “Доруобай буол!”, “ВИЧ-статускун бил”, “Көхтөөх уһун үйэлэниигэ бииргэ” аахсыйалар, диспансеризация, чинчийэн көрүүлэр ыытыллыахтара. Бары тэрээһиннэргэ санитарнай миэрэлэри кытаанахтык тутуһуу ирдэнэр. Үөрэх тэрилтэлэригэр доруобуйаҕа, быһыыны ылыыга, ыарыылары сэрэтэргэ, чөл олоҕу тутуһарга, уо.д.а. тиэмэлэргэ араас бэсиэдэлэр ыытыллыахтара. Перинатальнай кииҥҥэ, акушерскай салааларга, дьахтар консультацияларыгар диетолог-нутрициолог быраастар сөпкө аһааһын оскуолаларын үлэлэтиэхтэрэ, лекциялары ааҕыахтара, углеводтан тутулуктаах буолууттан аккаастанарга маастар-кылаастары ыытыахтара. Маны сэргэ, биир ыйы быһа чөл олоххо, сөпкө аһыырга үөрүйэхтэри үөскэтэр марафон ыытыллан дьоҥҥо туһалыыра саарбаҕа суох.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.
Дьахтар араастаах буолар эбит
Сынньалаңңа | 23.02.2024 | 14:00
Дьахтар араастаах буолар эбит
Сиимэ уол сааһа ыраатта, Саҥа дьыл саҕана отут биэһин туолбута. Бииргэ үөрэммит доҕотторо оҕо-уруу, дьиэ-уот тэринэн ырааппыттара. Онуоха эбии аҕата, биирдэ эмэ холуочуйдаҕына, чаал курдугунан көрөн олорон, ыал буолбакка сылдьарынан сирэй-харах анньара. Кырдьар сааска кэргэнэ суох соҕотох сылдьыы куһаҕанын өйдөтө сатыыра, ол кэннэ устунан ытаан барара. Ийэлэрэ барахсан ыалдьан, Сиимэ...