28.03.2022 | 18:00

«Доруобай ийэ» социальнай аахсыйа ыытылынна

«Доруобай ийэ» социальнай аахсыйа ыытылынна
Ааптар: Киин Куорат

Уустук балаһынньаҕа түбэспит 24 дьиэ кэргэн ийэлэрэ Өрөспүүбүлүкэтээҕи уопсастыбаннай доруобуйа уонна сэрэтэр медицина Киинигэр толору скрининговай чинчийиини аастылар. Бу туһунан Олохтоох дьаһалта пресс-сулууспата иһитиннэрдэ.
«Доруобай ийэ» социальнай аахсыйаны «Ыччат – Дьокуускай куорат сайдар энергията 2022» дьыалабыай оонньуу кыттыылаахтара тэрийдилэр. Тэрээһин Саха Өрөспүүбүлүкэтигэр биллэриллибит ийэ Сылыгар ананна. 
Тэрийээччилэр, «МЭР» дьыалабыай оонньуу «Тупсаран оҥоруу» блогун кыттыылаахтара бэлиэтээбиттэринэн, дьахталлар испииһэктэрин Саха сирин үлэҕэ уонна социальнай сайдыыга Министиэристибэтэ биэрбит. 
Социальнай аахсыйа тэрийээччилэригэр бэйэтин махталын 3 группалаах инбэлиит Марианна Ефимова тириэртэ. 
«46 саастаахпын, инбэлиит оҕолоохпун. Оҕом 34-с №-дээх анал (коррекционнай) оскуола-интэринээт үөрэнээччитэ. Аахсыйа тэрийээччилэригэр уонна итиннэ сыһыаннаах дьоҥҥо махтанабын. Ийэлэргэ, инники көлүөнэҕэ олоҕу бэлэхтиир дьоҥҥо, толору чинчийиини оҥорбуттара наһаа үчүгэй», - диэтэ социальнай аахсыйа кыттыылааҕа.
«Доруобай ийэ» аахсыйа кыттыылаахтара сүрэхтэрин, тыҥаларын туругун чинчийиини аастылар, холестерин уонна саахар анаалыһын туттардылар. Итини сэргэ Киин исписэлиистэрэ дьахталлар артериальнай хаан баттааһыннарын, хааннара кислородунан төһө байытылларын, сүрэхтэрин тэбиитин бэрэбиэркэлээтилэр. Итини таһынан, аахсыйа кыттыылаахтара терапевт бырааска, онколог-маммологка, узига сылдьан сүбэ-ама ыллылар. 
Тэрийээччилэр – «МЭР - 2022» кыттыылаахтара информационнай брошюралары бэлэмнээтилэр. Аахсыйа дьыалабыай оонньуу кулун тутар 21 күнүттэн 27 күнүгэр диэри былааннаммыт бастакы түһүмэҕин чэрчитинэн ыытылынна.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.