Дьол уйата – дьиэ кэргэн

Бу сыл муус устар 28 күнүгэр Өксөкүлээх Өлөксөй аатынан Норуоттар доҕордоһууларын дьиэтигэр 16.00 чаастан “Дьол уйата – дьиэ кэргэн” музыка-үҥкүү шоута ыытыллар.
Бырайыакка кыттар оҕо кэлэктииптэрэ: “Бриллианты Якутии” үҥкүүтүн ансаамбыла, “Домисольки” ырыа устуудьуйата (“Колокольчиктар”, “Уолан”, “Калейдоскоп”, “Айыы кыһата”, “Сулусчаана” бөлөхтөр), 2 №-дээх оскуола, Саха Политехническэй лицей уонна “Алгыстаах доҕордоһуу” дьахтар үҥкүү кэлэктиибэ. 
Бырайыак уратытынан Саха сиригэр олорор араас норуоттар сахалыы тылынан ыллыыллара буолар. Кинилэр талааннарын нөҥүө сахабыт тылын кэрэтин, сүөгэйин-сүмэтин тиэрдиэхтэрэ. Аан бастакытын оҕолор тэҥинэн ыллыахтара уонна үҥкүүлүөхтэрэ.
Салайааччылар - РФ уонна СӨ үтүөлээх артыыстара Зоя, Афанасий Соловьевтар, СӨ култууратын үтүөлээх үлэһитэ Мария Семенова, режиссер, СӨ култууратын үтүөлээх деятелэ Александр Титигиров, бырайыак ааптара СӨ култууратын туйгуна Ольга Андреева ураты бырайыактарын кэлэн көрүҥ, истиҥ, сэргээҥ, оҕолор талааннарын айхаллааҥ, өйөөҥ диэн ыҥыраллар.