27.04.2021 | 22:34

Дьокуускайга умнуллубат күн

Саха Өрөспүүбүлүкэтин күнүгэр Дьокуускай куорат баһылыга Евгений Григорьев Саха Автономнай өрөспүүбүлүкэтэ төрүттэнэригэр олук уурбут чулуу дьоммутуттан биирдэстэрэ Платон Алексеевич Ойуунускай пааматынньыгар сибэкки дьөрбөтүн уурда.
Дьокуускайга умнуллубат күн
Ааптар: Киин Куорат
Бөлөххө киир

Үөрүүлээх быһыыга-майгыга өрөспүүбүлүкэ Ил Дархана Айсен Николаев, СӨ кылаабынай федеральнай иниспиэктэрэ Евгений Корнеев, Саха сириттэн РФ Судаарыстыбаннай Дууматын дьокутаата Галина Данчикова, Дьокуускай куорат Дууматын бэрэссэдээтэлэ Альберт Семенов кыттыыны ыллылар.

«99 сыл анараа өттүгэр биһиги чулуу убайдарбыт сыралаах үлэлэрин түмүгэр Саха сирэ автономнай буоларын ситиспиттэринэн, Дьокуускай куорат өрөспүүбүлүкэбит киин куората буолбутунан киэн туттабын. Өрөспүүбүлүкэбитин уонна тапталлаах куораппытын сайыннарыы – биһиги бүгүҥҥү сорукпут, өбүгэлэрбит иннигэр ытык иэспит»,  – диэтэ Евгений Григорьев.

Өрөспүүбүлүкэ күнүнэн Дьокуускай куорат олохтоохторо уонна уопсастыбаннаһа, салайааччылара автономияны төрүттэспит суударыстыбаннай, уопсастыбаннай деятеллэрбит Максим Аммосов, Исидор Барахов, Василий Никифоров, Өксөкүлээх Өлөксөй, Степан Васильев пааматынньыктарыгар сибэкки дьөрбөтүн уурдулар, үтүө тылынан ахтан-санаан аастылар.  

Бу күн уокуруктарга уонна куорат таһынааҕы нэһилиэктэргэ бырааһынньыктааҕы тэрээһиннэр буолан аастылар. Коронавирус тарҕанарын бопсор сыалтан онлайн форматынан ыытылыннылар. Ол курдук, Сайсары уокуругар «Аҕа дойду туохтан саҕаланарый» интерактивнай викторина ыытылынна. Губинскай уокурукка араас омук көстүүмнэринэн хаартысканан күрэх буолла, оттон Октябрьскай уокурукка Саха сирин туһунан хоһооннору аахтылар. Киин уокурук библиотека ааҕааччыларыгар кыраайы үөрэтиигэ аналлаах  видеоконференция ыытта. Промышленнай уокурук оҕо уруһуйдарын күрэҕин тэрийдэ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.