06.08.2021 | 20:34

Дьокуускайга тутааччылары идэлээх күннэринэн эҕэрдэлээтилэр

Дьокуускайга тутааччылары идэлээх күннэринэн эҕэрдэлээтилэр
Ааптар: Киин Куорат

Бүтүн арассыыйатыыҕы тутааччы Күнүн көрсө Уокуруктааҕы дьаһалтаҕа тутуу салаатын үлэһиттэрин чиэстээтилэр.  
«Хас биирдии тутуллубут эбийиэк – үлэһит уонна идэтигэр бэриниилээх дьон үлэлэрин түмүгэ. Муниципальнай былаас тутуу салаатын бары өттүттэн өйүүр, кыһалҕалаах боппуруостар кылгас болдьоххо быһаарыллаллар», – диэтэ эҕэрдэ тылыгар баһылык бастакы солбуйааччыта Алексей Корнилов. 
Дьокуускайдааҕы куорат Думатын Бэрэссэдээтэлэ Альберт Семенов куорат сылын аайы тупсан иһэрин, ити тутааччылар улахан үтүөлэрэ буоларын бэлиэтээтэ. 
«Тутуулары ыытыы, инженернэй ситимнэри тардыы биһиги тыйыс усулуобуйабытыгар уустук буолара биллэр.  Ол эрэн тутааччылар сыраларынан өрөспүүбүлүкэбит киин куората тэтимнээхтик сайдар уонна силигилии ситэр», – диэтэ Альберт  Семенов.
Бу үөрүүлээх күҥҥэ үрдүк таһымнаах үлэлэрин, баай уопуттарын, маастарыстыбаларын иһин тутуу тэрилтэлэрэ – «ЯПК РФ Инвест» АУо, «Домостроительный комбинат» АУо, «Стройиндустрия» ХЭТ, «Ир-строй» ХЭТ, «Высота» ХЭТ, «Агентство по развитию территорий» ХЭТ, «Утум-инвест» ХЭТ Уокуруктааҕы дьаһалта Махтал суруктарынан наҕараадаланнылар. 
Үтүө суобастаах үлэлэрин, тутуу эйгэтигэр тус кылааттарын иһин «Дьокуускай куорат бочуоттаах тутааччыта» бэлиэлэри «Адгезия» ХЭТ дириэктэрэ Айаан Габышевка, «Ир-строй» ХЭТ генеральнай дириэктэрэ Руслан Бураевка, куораты тутууга уонна тырааныспар инфраструктуратыгар Департаменын салаатын начаалынньыгын солбуйааччы Мария Анисимоваҕа, «Сахапечать» ГАТ генеральнай дириэктэрин бастакы солбуйааччытыгар Тимур Николаевка, «Главстрой» МКТ толорооччу дириэктэригэр Федор Поповка, «Главстрой» МКТ генеральнай дириэктэрин капитальнай тутууга солбуйааччыта Василий Румянцевка, «СахаСтройСервис» ХЭТ дириэктэрин солбуйааччы Айсен Федоровка, «Якутпромстрой» АУо дириэктэрэ Евгений Гавриловка туттардылар.
Өр сыллаах, таһаарыылаах үлэлэрин уонна куорат территориятын тутуутун сайдыытыгар кылааттарын иһин Дьокуускайдааҕы куорат Думатын Бочуоттаах грамоталарынан куораты тутууга уонна тырааныспар инфраструктуратыгар Департаменын салаатын начаалынньыга Туяра Шевелева, предпринимателлэр Юрий Никифоров, Александр Васильев, «Тимм» ХЭТ дириэктэрэ Александр Матвеев, «Профстрой» Тутуу хампаанньата ХЭТ кылаабынай инженерэ Георгий Яковлев наҕараадаланнылар.
Дьокуускайдааҕы куорат Думатын Махтал суругунан куораты тутууга уонна тырааныспар инфраструктуратыгар Департаменын салаатын специалиһа  Ольга Дьячковская, «Сэттэ» ГК кэлэктиибэ наҕараадаланнылар.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...