21.09.2021 | 10:00

Дьокуускайга суолу аспааллааһын түмүктэнэн эрэр

Дьокуускайга суолу аспааллааһын түмүктэнэн эрэр
Ааптар: Киин Куорат

Бүгүҥҥү күннээҕи туругунан, киин куоракка «Куттала суох уонна хаачыстыбалаах суоллар» национальнай бырайыак чэрчитинэн былааннаммыт 48,25 км-тэн 46 км суол оҥоһулунна, ол эбэтэр үлэ 95 %-на бүттэ. Ол туһунан сакаасчык «Главстрой» МКТ иһитиннэрдэ. 
Аспааллааһыҥҥа быйыл киириэхтээх 36 эбийиэктэн 35-гэр үлэ түмүктэммит. Иван Кульбертинов уулуссатыгар бэдэрээччик «РИК Автодор» АУо аспаал иккис балаһатын уура сылдьар.  Итиннэ тупсаран оҥоруу, суол кытыытынааҕы таастары, сатыы уонна бэлисипиэттэх дьон сылдьар суолун бэлэмнээһин ыытыллар. 
Билиҥҥи туругунан, суол кытыытыгар хааччахтары, суол бэлиэлэрин, сырдатыы ситимин, светофордары, дьоҕус архитектура пуормаларын туруоруу уонна көҕөрдүү үлэтэ Халтурин, Клара Цеткин, Кутузов, Рыдзинскай, Жуковскай, Авиатордар, Пилоттар, Покрышкин, Тэкки Одулок, Христофор Максимов, Широких-Полянскай, Шевченко, Студенческай уулуссаларга, Птицефабрика дьоҕус оройуонугар Нагорнай, Тулагы сэлиэнньэтигэр Николаев, Мархаҕа Советскай, Заводской, Интернациональнай уонна Олег Кошевой, итини сэргэ Хатас сэлиэнньэтигэр Сидор Алексеев уулуссаларыгар ыытыллар. Окружной шоссеҕа массыына суолун тупсаран оҥоруу бара турар. 
Буор оҥоһуулаах суол тутуута уонна өрөмүөнэ 6 эбийиэккэ – Табаҕа уонна Тулагы сэлиэнньэлэригэр баар элбэх оҕолоох ыаллар кыбартаалларыгар тиийэр суол, Хатас сэлиэнньэтигэр Ойуунускай уонна Сидор Алексеев уулуссаларыгар, Кангалаас сэлиэнньэтигэр Объездной суол уонна Тускул дьоҕус оройуоҥҥа  Иосиф Николаев уулуссатыгар үлэ түмүктэннэ. Дьокуускай куорат территориятыгар тутуллубут буор оҥоһуулаах суол уопсай уһуна – 10,694 км.
Киин куорат уокуругун бэдэрээччиктэрэ – «РИК Автодор» АУо, «Дорстрой» ХЭТ, «Инвестдорстрой» ХЭТ, «Туймаада» ХЭТ, «Сельдорстрой» ХЭТ, «Альянс 2005» ХЭТ, ДРСУ «Сэттэ» ХЭТ, «Дорисс» ПАУо.
Быйыл, 2021 сылга, Дьокуускай куорат территорияларыгар баар суоллары тутуу, саҥардан оҥоруу, капитальнай өрөмүөн уонна өрөмүөн рекордка тиийэр таһымҥа чугаһаабыт. «Куттала суох уонна хаачыстыбалаах суоллар» национальнай бырайыак чэрчитинэн Дьокуускайга суол-уулусса ситимин сайыннарыыга 2,2 млрд солк былааннаммыт. Бырайыак чэрчитинэн 2019-2024 сылларга, биэс сыл иһигэр, барыта суол 85 %-на тутуллан нуормаҕа эппиэттиир турукка киириэхтээх.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...