05.07.2021 | 16:08

Дьокуускайга саҥа хайысхалаах үөрэҕирии кэлимэ тутуллуо

Дьокуускайга саҥа хайысхалаах үөрэҕирии кэлимэ тутуллуо
Ааптар: Киин Куорат

Сэргэлээхтиир суол 12 км турар 34 №-дээх   коррекциялыыр хайысхалаах оскуола оннугар доруобуйаларыгар хааччахтаах оҕолорго аналлаах үөрэҕирии кэлимэ (комплекс) тутуллуо. Ол туһунан от ыйын 3 күнүгэр өрөспүүбүлүкэ баһылыга Айсен Николаев эттэ.
Бастакы былаанынан, муниципальнай былаастар манна 350 миэстэлээх саҥа коррекциялыыр оскуоланы уонна 120 миэстэлээх интэринээти, аттыгар 2000 миэстэлээх уопсай үөрэхтээһин оскуолатын тутуохтаахтар эбит. Ити былааны төрөппүттэр уонна педагогтар утаралларын биллэрэн өрөспүүбүлүкэ баһылыгыттан боппуруоһу быһаарарыгар көрдөспүттэр. 
Ил Дархан Айсен Николаев куорат баһылыга Евгений Григорьевтыын оскуола территориятыгар тиийэн кэлэктииби уонна төрөппүттэри кытта көрсүбүттэр. 
«2000 миэстэлээх оскуола тутулларын былырыын ким да эппэтэҕэ. Территория төһө да улаханын иһин икки улахан эбийиэк тутулларыгар барсыбат. Уопсай үөрэхтээһин оскуолата уонна оҕолор социальнай адаптацияны ааһар кииннэрэ бииргэ тураллара сатаммат», - дииллэр төрөппүттэр.
Айсен Николаев кинилэр этиилэрин кытта сөбүлэһэн, манна доруобуйаларыгар хааччахтаах оҕолорго аналлаах үөрэҕирии кэлимин тутарга этии киллэрбит. 
"Мин урут манна хаста да сылдьыбытым, оҕолору кытта кэпсэппитим, кинилэр ураты оҕолор, ол иһин кинилэргэ ураты усулуобуйа наада. Бу территория кинилэр бэйэлэрин күөмчүлэммит курдук санамматтарыгар олус барсар. Манна тула күөх үүнээйи, ыраас салгын, сынньанарга барсар усулуобуйа. Ол иһин мин манна доруобуйаларыгар хааччахтаах оҕолорго интэринээт уонна уһуйаан тутулларыгар этии киллэрэбин", – диэтэ Ил Дархан муниципальнай былаастарга туһаайан.
Итини сэргэ, Айсен Николаев манна икки коррекциялыыр хайысхалаах 34 уонна 22 нүөмэрдээх оскуолалар көһөн кэлэллэрин туһунан этии киллэрдэ. Ити икки оскуола дьиэлэрэ эргэрбитэ бэлиэтэннэ. 
Билиҥҥи туругунан 34 №-дээх   оскуолаҕа 293 доруобуйаларыгар хааччахтаах, ол иһигэр 170 инбэлиит оҕолор бааллар. Оттон 22 №-дээх   оскуолаҕа – 254 доруобуйатыгар хааччахтаах уонна 94 инбэлииттээх оҕо үөрэнэр.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Рево Алексеев:  «Саха киһитэ ыра сатыа суохтаах!»
Дьон | 08.12.2022 | 09:00
Рево Алексеев: «Саха киһитэ ыра сатыа суохтаах!»
Орто саастаах дьон үлэттэн сылайдаҕына, хаһан биэнсийэҕэ тахсабыт диэн өрө тыыналлар. Оттон бүгүҥҥү ыалдьыппыт Рево Захарович Алексеев 85 хаарыгар үктэнэн да баран күн бүгүҥҥэ диэри мууһура үлүйбүт киһини быыһыырга олоҕун анаабыт үлэтигэр — Дьокуускайдааҕы научнай-чинчийэр кииҥҥэ түбүгүрэ сылдьар. Бэйэтин сааһыгар лаппа эдэрчи көрүҥнээх, саастаах киһи диэтэххэ, үчүгэйдик көрөр-истэр, сорох кырдьаҕас...