24.08.2022 | 14:00

Дьокуускайга үөрэҕирии үлэһиттэрин атырдьах ыйынааҕы мунньахтара ыытыллыаҕа

Атырдьах ыйын 26 күнүгэр Дьокуускайга куорат уокуругун педагогическай үлэһиттэрин атырдьах ыйынааҕы мунньахтара ыытыллыаҕа диэн иһитиннэрдэ Үөрэҕирии управлениета.
Дьокуускайга үөрэҕирии үлэһиттэрин атырдьах ыйынааҕы мунньахтара ыытыллыаҕа
Ааптар: Киин Куорат
Бөлөххө киир

Дьокуускай куоракка сайыҥҥы чэбдигирдэр хампаанньа түмүктэнэрэ чугаһаата. Сайын устата 38 күнүскү чэбдигирдэр, 5 куорат таһынааҕы, икки үлэ уонна сынньалаҥ, 1 палаатканан сытар лааҕырдар, итиэннэ 3 оҕо уһуйааннарын сайыҥҥы даачалара үлэлээтилэр. Итини таһынан, үөрэҕирии тэрилтэлэрэ лааҕырынан хабыллыбатах уонна кризиснэй турукка сылдьар оҕолорго социальнай бырагыраамаларынан үлэни тэрийдилэр. Куорат уокуругун 20 тыһыынча кэриҥэ оҕото сайыҥҥы сынньалаҥынан, чэбдигирдиинэн уонна дьарыктаах буолуунан хабылынна.

Кэлэр 2022-2023 үөрэх дьылыгар куорат уокуругун оскуолаларын 1-гы кылаастарыгар 6000 кэриҥэ оҕо барар. Оҕо уһуйааннарын боруогун аан бастаан 5400 тахса оҕо атыллыаҕа.

Үөрэх саҕаланыан иннинэ федеральнай бырагырааманан куорат уокуругун 11 оскуолатыгар хапытаалынай өрөмүөн түмүктэнэр (Д.Г. Новопашин аатынан 10-с №-дээх, Сэбиэскэй Сойуус Дьоруойа Ф.К.Попов аатынан 20-с №-дээх,  21-с №-дээх, В.И. Малышкин аатынан 23-с №-дээх, 27-с №-дээх, 31-с №-дээх, Л. А. Колосова аатынан 33-с №-дээх, 36-с №-дээх оскуолалар, Саха политехническэй лицей, А.Г. уонна Н.К.Чиряевтар ааттарынан Дьокуускай куораттааҕы национальнай гимназия уонна 1-гы №-дээх Марха оскуолата).

Балаҕан ыйын 1 күнүгэр, «Цифровой үөрэхтээһин эйгэтэ-2022» туонатын Биир кэлим аһыллыытын күнүгэр, 3 муниципальнай үөрэҕирии тэрилтэлэрэ – «Глобальнай үөрэхтээһин киинэ» гимназия», «Надежда» 36-с №-дээх алын сүһүөх оскуолата уонна Ф.И. Авдеева аатынан Оҕо айымньытын дыбарыаһа үөрэнээччилэргэ бэлэмнээбит саҥа кыахтарын көрдөрүөхтэрэ уонна бырайыагы саҕалыахтара.  

2022-2023 үөрэх дьылыгар педагогтары уонна үөрэнээччилэри кэккэ уларыйыылар күүтэллэр: саҥардыллыбыт ФГОС-ка көһүү; оскуолаларга электроннай докумуоннары оҥоруу, оскуола иһинээҕи олимпиадалары ыытыы саҥа бэрээдэгэ уо.д.а.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...