27.12.2019 | 10:47

ДЬОКУУСКАЙГА ӨРӨСПҮҮБҮЛҮКЭ БАСТЫҤ ЫЧЧАТА

ДЬОКУУСКАЙГА ӨРӨСПҮҮБҮЛҮКЭ БАСТЫҤ ЫЧЧАТА
Ааптар: Киин Куорат

Бу күннэргэ Дьокуускайга «Сэргэлээх уоттара» култуура киинигэр Сомоҕолоһуу уонна Иллээх ыаллаһыы сылын түмүктүүр «Ыччат бириэмэтэ” диэн ааттаах бэстибээл буолла. Манна ыччат бэлиитикэтигэр бастыҥ үлэлээх дьону, улууһу, түмсүүнү быһаардылар, сыл түмүгүн таһаардылар. Санатан эттэххэ, быйылгыттан саҕалаан үгэскэ кубулуйбут «Ыччат баала” ыытыллыбат.

ААҺАН ЭРЭР СЫЛЫ САБА БАТТААТАХХА

2019 с. саха ыччатыгар ситиһиилээхтик ааста. Ол курдук, Хаҥалас улууһун «Орто дойду» этнокомплексыгар «ТАБЫС» («Таптаа, алҕаа, байыт ытык сиргин») бэстибээл буолбута. Ыччаты көҕүлүүр патриотическай «Юнармия» бэстибээл ыытылынна. Сыл ахсын ыытыллар «Синергия Севера» үөрэх туура тиһигин быйыл да быспата. Аан маҥнайгытын федеральнай таһымнаах уонна ыччат дьыалатыгар төһүү күүс буолар (РОСМОЛОДЕЖЬ) улахан семинары ыытта. Кыайыы 75 сылын көрсө өрөспүүбүлүкэтээҕи «Знамя Победы» диэн эстафета олохтонно. Бу эстафета сыл устата улуустары кэрийиэхтээх, Кыайыы күнүн көрсө эргиллиэхтээх.

ЫЧЧАТ БИРИЭМЭТЭ

«Арассыыйа – мин историям» история мультимедийнэй пааркатыгар «Ыччат бириэмэтэ» бэстибээл ыытыллынна. СӨ ыччат дьыалаларын уонна социальнай коммуникациятын миниистирин бастакы солбуйааччы Александр Сусоев быйылгыттан саҕалаан министиэристибэҕэ араас хабааннаах тэрээһиннэр, саҥа киллэриилэр ыытыллыбыттарын эттэ. Ол курдук, “Ыччат баалын” оннугар өрөспүүбүлүкэ көхтөөх ыччатыгар үөрэтэр куурустары тэрийэр буолбуттар. 

Аан маҥнайгытын өрөспүүбүлүкэтээҕи «Министр» дьыалабыай оонньуу кыттыылаахтарын билиһиннэрдибит. Маны таһынан РОСМОЛОДЕЖЬ исписэлииһэ Екатерина Гераскина ыччаты иитиигэ, үөрэтиигэ, сайыннарыыга араас лиэксийэлэри, трениннэри кэлэн аахта. Бу маннык быһыылаах үлэ инникилээх буолуон сөп диэн санааҕа кэллилэр. «Бириэмэ уларыйа турар, саҥа саҕахтар арылла тураллар, ону кытта өрөспүүбүлүкэ ыччата тэҥҥэ хаамыахтаах», — диир Сусоев.

«Буола турар быһыыны-майгыны ыччат бэйэтэ ырытан, анааран көрүөхтээх, эппиэтинэһи бэйэтин илиитигэр ылыахтаах. Билиҥҥи ыччат сытыы стратегическэй өйдөөх, айымньылаах, креативнай толкуйдаах, түргэн-тарҕан туттуулаах, аныгы технологиялары дэбигис баһылаан иһэр», — диэн эбэн эттэ СӨ ыччат дьыалатыгар уонна социальнай коммуникацияларга миниистири солбуйааччы Александр Сусоев.

Бу күн мустубут ыччаттар хамаанданан арахсан, өрөспүүбүлүкэ олоҕун 22 саамай сытыы салаатын ырытан көдүэр. Ол курдук, инфраструктура хаарчахтара уһулуннахтарына, өрөспүүбүлүкэбит Уһук Илиҥҥэ уонна дойдуга бүттүүнүгэр экономикаҕа баһылыыр-көһүлүүр оруолун бөҕөргөтүөн сөбүн, Өлүөнэ муостата олохтоох нэһилиэнньэҕэ туох көдьүүстээҕин ырыттылар, тимир суолу тутууну түмүктээһин, национальнай бырайыактары олоххо киллэрии кыһалҕаларын дьүүллэстилэр.

“Саха сиригэр сомоҕолоһуу сыла» салааны салайбыт Николай Мартынов этэринэн, 2020 сылга уопсастыбаннай хамсааһыннарга элбэх болҕомто ууруллар кэриҥнээх. Кэммиэрчэскэйэ суох хамсааһыннар федеральнай кэрдиискэ тахсарын ситиһиэхтээхтэр эбит.

КӨХТӨӨХ ЫЧЧАТ СИТИҺИИТЭ

«Ыччат бириэмэтэ” бэстибээл номинацияларын кыайыылаахтара:

1. “Сыл лидера” – Виктор Климовскай, СӨ тутар этэрээттэрин салайааччыта. М.К. Аммосов аатынан ХИФУ устудьуоннарын тутар этэрээттэрин хамандыыра;

2. «Сыл доброволеһа» - Розалия Данилова, «Полюс Добра» СДУ салайааччыта;

3. «Сыл наставнига» – Спартак Колесов, учуутал, «Беркут» байыаннай-патриотическай кулууп салайааччыта;

4. «Ыччаты кытта үлэлиир бастыҥ структура» – «Ылдьаа ыччаттара» Нам улууһун «Хатыҥ-Арыы» нэһилиэгэ;

5. «Бастыҥ уопсастыбаннай тэриллии» - Горнай улууһа;

7. «Бастыҥ устудьуоннар структуралара” – Чурапчытааҕы физкультура институтун идэлээх сойууһа;

Урукку сылларга баал хоруолун уонна королеватын талаллар этэ, билигин оннук суох буолбут.

СӨ ыччат дьыалатыгар уонна социальнай коммуникацияҕа миниистирэ Степан Саргыдаев: «Биһиги ыччаппыт Саха сирин сайыннарар кыахтаах. Бүгүн манна өрөспүүбүлүкэ саамай көхтөөх уонна бастыҥ ыччата муһунна. Бу сыл устата үгүскүт араас таһымнаах куонкурустарга, форумнарга, тэрээһиннэргэ кытынныгыт. Эһиги өрөспүүбүлүкэбит сайдарыгар төһүү күүс буолаҕыт. Кэлэн иһэр Саҥа дьылынан барыгытын эҕэрдэлиибин! Биир санаа, биир күүс буолан Сахабыт сирин сарсыҥҥытын түстүөҕүҥ! — диэн баҕа санаатын ыччакка анаата.

Өрөспүүбүлүкэ инники кэскилэ Арассыыйа атын регионнарын лидердэриттэн туох да уратыта суох буолуохтаах.

Сонуннар

Ордук ааҕаллар

Тыын тардыыта
Сынньалаңңа | 17.09.2022 | 11:00
Тыын тардыыта
 – Ийээ, мин кинини таптыыбын ээ, кинитэ суох сатаан олорбоппун. Эн ону хантан өйдүөххүнүй? – диэн Яна, ийэтэ хойут кэлэрин мөхпүтүн сөбүлээбэккэ, этиһэн турда. — Хаһан да кими да таптаабатах киһи, аҕабыныын эмиэ таптаабат буолан арахсыбытыҥ буолбат дуо? Итиэннэ миигин хантан өйдүөххүнүй? Лена кыыһа итинник сэмэлээбитин хомойо иһиттэ. Куруук оҕо...
Хатас 5 тэрилтэтэ – оҕо сайдарын-үүнэрин туһугар
Сонуннар | 17.09.2022 | 19:17
Хатас 5 тэрилтэтэ – оҕо сайдарын-үүнэрин туһугар
Бүгүн, балаҕан ыйын 17 күнүгэр, Н.Е. уонна П.Н. Самсоновтар ааттарынан Хатас орто оскуолатыгар үгэс буолбут күһүҥҥү дьаарбаҥка уонна оҕо аймаҕы эбии үөрэхтээһиҥҥэ Хатас 5 тэрилтэтин «Иллэҥ кэмҥэ дьарык дьаарбаҥката» диэн холбоһук тэрээһиннэрэ ыытылынна.
Хомунаалынай өҥө ороскуотун хайдах толуйтарыахха сөбүй?
Тускар туһан | 16.09.2022 | 15:00
Хомунаалынай өҥө ороскуотун хайдах толуйтарыахха сөбүй?
Дьиэ кэргэн бүддьүөтүгэр эбэтэр соҕотоҕун олорор киһи хомунаалынай өҥөлөрүн төлөбүрүгэр ороскуота олохтоммут нормативтан элбэх буоллаҕына субсидия оҥорторуон сөп.   Квитанцияларынан көрөн, 100%-ҥа диэри компенсация оҥорторуохха сөп.   Ким субсидияҕа хапсар бырааптааҕый? бас билээччи; олох-дьаһах кооперативтарын чилиэннэрэ; судаарыстыбаннай пуондаттан дьиэни-уоту туһанааччылар.   Усулуобуйата бу дьиэҕэ бастайааннай регистрация; дьиэ иэнэ регионнааҕы нормативтан ордуга суох; хомунаалынай...
Сонун, ол эрээри астыырга судургу бүлүүдэлэр
Тускар туһан | 17.09.2022 | 15:00
Сонун, ол эрээри астыырга судургу бүлүүдэлэр
Күһүҥҥү нуурал күннэргэ улахан уустуга суох, маҕаһыын аайы баар бородуукталартан минньигэс бүлүүдэлэри астыыргытыгар сүбэлиибит.   Мультиваркаҕа сибиинньэ этиттэн соркуой Эһиэхэ наада: сибиинньэ этэ — 600 г; хортуоппуй — 8 уст.; моркуоп — 1 уст.; эриэппэ луук — 1 уст.; томат паастата — 2 ост. ньуоска; маҕаһыыҥҥа атыыланар сметана — 2 ост.ньуоска;...