Дьокуускайга «үрүҥ көмүс» волонтердар көрүстүлэр

Көрсүһүүгэ өрөспүүбүлүкэ  12 улууһуттан, 14 нэһилиэгиттэн 130 «үрүҥ көмүс» волонтер кытынна.

Волонтердары Арассыыйа доброволецтарын күнүнэн Саха сиринээҕи Доброволецтар ресурснай кииннэрин салайааччыта Айыллаан Винокуров эҕэрдэлээтэ уонна өйдөбүнньүк бэлиэлэри туттартаата.

Бу күн, Катакова Евдокия Петровна салалтатынан үлэлиир «Үтүө санаа кустуга» өрөспүүбүлүкэтээҕи бырайыак чэрчитинэн, Украинаҕа анал байыаннай эпэрээссийэҕэ кытта сылдьааччыларга 44 000 солкуобайы хомуйан уонна сылгы сиэлиттэн угунньулары оҥорон бэлэмнээтилэр. Маны таһынан, кинилэр Бүтүн Арассыыйатааҕы «Торопыжкам с любовью» аһымал аахсыйаҕа кытталлар. Ол курдук, итэҕэс төрөөбүт оҕолорго анаан  бэйэлэрэ баайбыт пинеткаларын, наскыларын уонна массаастыыр пеленкалары бэлэмнээтилэр.

Көрсүһүү киэһэтэ олус сэргэхтик ааста. Тэрээһин саҕаланыаҕыттан бүтүөр диэри «үрүҥ көмүс» волонтердар толорууларыгар ырыа-тойук дьиэрэйдэ, үҥкүү-битии да тохтообото. Ю.А. Гагарин аатынан култуура уонна аныгы искусство киинигэр «Космос» айар туона иккис сылын босхо бырааһынньык эйгэтин олус үчүгэйдик тэрийэр. Айар кэлэктиипкэ уонна дириэктэр Евдокия Петровна Винокуроваҕа өрөспүүбүлүкэ «үрүҥ көмүс» волонтердара «Көрсүһүү биэчэрин» истиҥник, үрдүк таһымнаахтык тэрийбиттэрин иһин махталларын тиэртилэр.