04.06.2024 | 13:46

Дьокуускайга ойуур баһаарыттан муҥутуур сэрэхтээх буолуу эрэсиимэ олохтонно

Дьокуускайга ойуур баһаарыттан муҥутуур сэрэхтээх буолуу эрэсиимэ олохтонно
Ааптар: Киин Куорат
Бөлөххө киир

Бүгүҥҥүттэн, бэс ыйын 4 күнүн 09.00 ч., от ыйын 1 күнүн 09.00 ч. диэри Дьокуускай куорат территориятыгар ойуур баһаарыттан муҥутуур сэрэхтээх буолуу эрэсиимэ үлэлиир. 
Ойуур баһаарыттан муҥутуур сэрэхтээх буолуу эрэсиимэ олохтоммут кэмигэр бобуллар:
- ойуур үлэтигэр туттуллар уонна ойуур баһаарын сэрэтиигэ уонна умуорууга үлэлиир тырааныспартан ураты тиэхиньикэнэн ойуурга тахсыы;
- ойуурга үлэлиир дьонтон ураты нэһилиэнньэ ойуурга, ол иһигэр тыа хаһаайыстыбатын сирдэригэр, саппаас сирдэргэ тахсыыта;
- аһаҕас уокка мангалы о.д.а. тэрили туттан ас буһарар. Уопсастыбаннай аһылык тэрилтэлэрэ (эрэстэрээн, кафе, бар, остолобуой, пиццерия, кофейня, бэлимиэн, блинынан эргинэр тэрилтэлэр) аһылыгы аһаҕас уокка мангалы уо.д.а. тэрили туттан анал быһыллыбыт сиргэ баһаартан сэрэхтээх буолуу быраабылатынан чоҕунан буһараллара көҥүллэнэр;
Уокуруктар управалара, нэһилиэктэр дьаһалталара, салайар хампаанньалар уонна ТСЖлар тиэргэн бөҕүн ыраастааһыны күүһүрдэллэр. Саадынан, оҕуруотунан дьарыктанар табаарыстыбалар баһаартан сэрэхтээх буолууга аналлаах мунньах ыытарга рекомендация ыллылар. Патруллуур уонна патруль-манёвр бөлөхтөрө муҥутуур бэлэм буолуу эрэсиимигэр көһөрүлүннүлэр.
Баһаартан сэрэхтээх буолуу быраабылатын кэһии иһин эппиэтинэс туһунан:
«Ойуурга баһаартан сэрэхтээх буолуу быраабылатын кэһии» 8.32. ыстатыйатынан ойуурга баһаартан сэрэхтээх буолуу быраабылатын кэһии иһин административнай эппиэтинэс:
- гражданнарга 15 тыһыынчаттан 30 тыһыынча солкуобайга диэри;
- дуоһунастаах сирэйдэргэ – 30 тыһыынчаттан 50 тыһыынчаҕа диэри;
- юридическай сирэйдэргэ – 100 тыһыынчаттан 400 тыһыынчаҕа диэри.
Ойуур ыксатыгар турар сир учаастактарыгар, ойуурга, 0.5 м итэҕэһэ суох кэтиттээх минерализованнай балаһанан быһыллыбатах сирдэргэ хаппыт оту, маһы, онтон да атын түргэнник умайар ойуур матырыйаалын баһаартан сэрэхтээх буолуу быраабылатын кэһэн уматыы иһин административнай ыстараап:
- биирдиилээн дьоҥҥо 30 тыһыынчаттан 40 тыһыынча солкуобайга диэри;
- дуоһунастаах дьоҥҥо – 40 тыһыынчаттан 60 тыһыынча солкуобайга диэри;
- юридическэй сирэйдэргэ – 300 тыһыынчаттан 500 тыһыынча солкуобайга диэри.
Бу ыстатыйа 1, 2 чаастарын кэһии иһин административнай ыстараап кээмэйэ 40 тыһыынчаттан 50 тыһыынча солкуобайга диэри; дуоһугастаах сирэйдэргэ – 50 тыһыынчаттан 80 тыһыынча солкуобайга диэри; юридическай сирэйдэргэ – 500 тыһыынчаттан 1 мөл. сокуобайга диэри.
Ойуур баһаарыттан муҥутуур сэрэхтээх буолуу эрэсиимигэр баһаартан сэрэхтээх буолуу быраабылаларын кэһии иһин административнай накаастабыл:
- биирдиилээн дьоҥҥо 40 тыһыынчаттан 50 тыһыынча солкуобайга диэри;
- тэрилтэ салайааччыларыгар – 60 тыһыынчаттан 90 тыһыынча солкуобайга диэри;
- тэрилтэлэргэ – 600 тыһыычаттан 1 мөлүйүөн солкуобайга диэри.
Баһаартан сэрэхтээх буолуу быраабылатын кэһии түмүгэр уоту ыытан киһи доруобуйатыгар эчэйиини оҥоруу иһин, өскөтүн ити дьайыылар (дьаһаллары ылыммат буолуу) холуобунай буруйга тэҥнэммэт буоллахтарына, административнай ыстараап кээмэйэ:
- гражданнарга 50 тыһыынчаттан 60 тыһыынча солкуобайга диэри;
- тэрилтэ салайааччыларыгар – 100 тыһыынчаттан 110 тыһыынча солкуобайга диэри;
- тэрилтэлэргэ – 1 мөлүйүөнтэн 2 мөлүйүөн солкуобайга диэри.
Быһаарыы: бу ыстатыйанан административнай буруй иһин юридическай сирэй буолбатах урбаанньыттар административнай эппиэтинэһи юридическэй сирэй курдук сүгэллэр.
Дьокуускай куорат Олохтоох дьаһалтатын гражданскай оборонаҕа уонна ыксаллаах-быһыыга-майгыга управлениета

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...