19.02.2021 | 08:29

ДЬОКУУСКАЙГА НОРОВИРУС УОННА РОТОВИРУС

ДЬОКУУСКАЙГА НОРОВИРУС УОННА РОТОВИРУС
Ааптар: Киин Куорат

Соторутааҕыта Ил Дархан Айсен Николаев Дьокуускай куоракка оҕолор оһоҕос инфекциятынан ыалдьыыларын хонтуруолга тутарга соруйда. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрдэ.

ОРВИ уонна грипп ыарыыта күүскэ тарҕаныыта сабаҕаланарынан, өрөспүүбүлүкэ баһылыга оскуолаларга, оҕо уһуйааннарыгар, балыыһаларга, интэринээттэргэ уонна да атын тэрилтэлэргэ болҕомтону күүһүрдэргэ сорук туруорда. «Төһө даҕаны бу ыарыылар таһымнара эпидемиологическай боруоктан намыһаҕын иһин, дезинфекциялааһыны, температураны кэмнээһини, мааскалаах сылдьыы эрэсиимин салгыы тутуһуу ирдэнэр», — диэн бэлиэтээбитин Ил Дархан пресс-сулууспата тарҕатта.

Дьокуускайга  «Прометейчик» оҕо уһуйаанын тоҕус иитиллээччитэ норовируснай инфекциянан ыалдьыбыттара биллибитэ. Олунньу 11 күнүттэн уһуйааны дезинфекциялааһыҥҥа уонна ыраастааһыҥҥа саппыттара. Роспотребнадзор пресс-сулууспата бу иһитиннэриини бигэргэттэ.

Норовирус диэн ис уорганы сүһүрдэр энтеровирус бииһин ууһа. Ордук 5 саастарыгар диэри кыра оҕолор хаптараллар. Олус сыстыганнаах.

Маны тэҥэ, билигин дьыл бу кэмигэр күүскэ тарҕанар ОРВИ арааһа, ротовирус элбээбитин олохтоохтор бэлиэтиир буолуохтаахтар. Уһуйааннарга биирдиилээн бөлөхтөр ротовирус карантинын биллэрдилэр. Социальнай ситимнэргэ куттуулларын курдук, биллибэт ыарыынан маассабай ыалдьыы суох. Оҕолоргут доруобуйаларыгар болҕомтолоох буолуҥ, ыарыы сибикитэ билиннэ да учаастактааҕы бырааскытын ыҥырыҥ!

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.