31.08.2020 | 16:36

Дьокуускайга ититии сезона саҕаланна

Дьокуускайга ититии сезона саҕаланна
Ааптар: Киин Куорат

Бүгүн куорат баһылыгын солбуйааччы Роман Сорокин бэрэссэдээтэллээх ититии сезонугар бэлэмнэнии штабын күн аайы ыытыллар мунньаҕа буолан ааста. Манна кыстыкка киирии барыллааһын түмүгүн таһаардылар.

“Сарсыҥҥыттан оскуолалары, оҕо уһуйааннарын, доруобуйа харыстабылын эбийиэктэрин холбоон саҕалыыбыт”, – диэтэ баһылык солбуйааччыта.

Үөрэх управлениета иһитиннэрбитинэн, эбийиэктэргэ сылааһы биэрии графига оҥоһуллубут, тустаах тэрилтэлэргэ тиэрдиллибит.

“121 эбийиэк систиэмэтэ ыраастанна, тэрилтэлэр аакталарын бары туттулар. Бүгүн икки бүтэһик эбийиэк – Дьокуускай куораттааҕы лицей уонна Оҕо айымньытын дыбарыаһа аактаҕа илии баттаатылар. Биир эбийиэк хаалла – Кангалааска оҕо уһуйаана. Бүгүн сорох докумуонун туттарыахтаах”, – диэтэ Үөрэх управлениетын начаалынньыга Алексей Семенов.

Роман Сорокин киниэхэ куорат таһынааҕы оҕо уһуйааныгар сылааһы биэрии боппуруоһун хонтуруолга ыларыгар соруйда, итиэннэ үөрэх эбийиэктэрэ бары балаҕан ыйын 1 күнүттэн үлэлиэхтээхтэр диэн тоһоҕолоон эттэ.  

“Якутскэнерго” ПАУо Дьокуускайдааҕы салаата иһитиннэрбитинэн, бүгүн оскуолаларга уонна оҕо уһуйааннарыгар бүтэһик аакта бэрилиннэ. Бэлэм буолууну туоһулуур аактаны “Звездочка” оҕо уһуйаанын 202-с микрооройуоҥҥа саҥа аһыллыахтаах филиала тута илик. Бу эбийиэк быйыл саҥа тутулунна уонна билигин оҕолору ылбат.   

“Доруобуйа харыстабылын эбийиэктэригэр алта эбийиэккэ ититии киирдэ. Атыттар бүгүн бэлэмнии сылдьаллар. Култуура эбийиэктэригэр бэлэм буолуу аактата барыларыгар туттарыллыбыта”, – диэн тиэртэ “Энергосбыт” үлэһитэ.

Доруобуйа харыстабылын үс эбийиэгэр суобаһа суох бэдэрээтчиктэри кытта дуогабар көтүрүллүбүтэ. Биир эбийиэккэ үлэ саҥа дуогабарынан ыытылынна, хаалбыт икки эбийиэккэ балаҕан ыйын 4 күнүгэр диэри систиэмэ ыраастаныаҕа. Бу туһунан Доруобуйа харыстабылын министиэристибэтэ иһитиннэрдэ.

“Тустаах тэрилтэлэр доруобуйа харыстабылын эбийиэктэригэр, чуолаан дьон күнүстэри-түүннэри баар сирдэригэр сайаапканан үлэни кэмигэр бүтэрэргитигэр көрдөһөбүн”, – диэтэ Роман Сорокин.

Сорох дакылааттары истэн баран, куорат баһылыгын солбуйааччы олорор дьиэ пуондатын кыһалҕалаах эбийиэктэрин туһунан эбии мунньах ыытарга болдьосто.  

Сонуннар

Ордук ааҕаллар

Коркинныы олоруохха, Коркинныы айыахха
Дьон | 10.09.2021 | 15:49
Коркинныы олоруохха, Коркинныы айыахха
Итинник угуйар-көҕүлүүр ааттаах хамсааһын  Дьокуускай куоракка “Строительнай” эргиэн киинигэр саха улуу саарынынан ситимнэнэр. ХХ үйэ чулуу киһитэ, Саха АССР үтүөлээх учуутала, ССРС, РСФСР, Саха АССР үтүөлээх тириэньэрэ, “Бочуот Знага” уонна “Октябрьскай өрөбөлүүссүйэ” уордьаннар кавалердара  Дмитрий Петрович КОРКИН үөрэнээччилэрэ XXI Олимпиадаҕа Чыпчаал ситиһиилэригэр ананан, улахан педагог буоларынан 2018 сылтан улахан тэрээһин күһүн...
Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Дьокуускай куорат мин харахпынан
Куорат олоҕо | 12.09.2021 | 10:00
Дьокуускай куорат мин харахпынан
Сахабыт сирин килбэйэр киинэ, тапталлаах куораппыт 389 сааһын томточчу туоларынан барыгытын эҕэрдэлиибит. Биһиги ааҕааччыларбытыттан Дьокуускай куорат дьон олороругар туох үчүгэйдээҕин уонна мөкү өрүттэрдээҕин ыйыталастыбыт.   Маргарита, 29 саастаах, маҕаһыын атыыһыта: Куорат кытыытынааҕы оройуоннары тоҕо сайыннарбаккыт? Куорат киинигэр түргэнник кэлэр-барар уустук. Уопсастыбаннай тырааныспары  уларытыахха уонна сайыннарыахха наада. Биһиги ааспыт үйэ 70-с...
Киин куорат  мураллара
Куорат олоҕо | 11.09.2021 | 13:17
Киин куорат мураллара
Кэнники аҕыйах сылга Дьокуускай дьиэлэрэ стрит-арт көмөтүнэн улаханнык уларыйдылар. Олохтоох уонна тас дойду худуоһунньуктара олус чаҕылхай, киһи өйүгэр хатанар ойууларынан куорат тас көстүүтүн киэргэттилэр. Хаһыаппыт бу нүөмэригэр 2016 сылтан Дьокуускайга оҥоһуллубут мураллары сырдатабыт.  Мурал – дьиэ эркинигэр эбэтэр иһигэр уруһуйданар уустук ойуу.   «Айыыһыт» Ханна баарый? Лермонтов уул., 56, Щорс...