03.09.2021 | 13:00

Дьокуускайга «IT – куб» оҕо цифровой үөрэхтээһинин Киинэ аһылынна

Дьокуускайга «IT – куб» оҕо цифровой үөрэхтээһинин Киинэ аһылынна
Ааптар: Киин Куорат

Бу күннэргэ Дьокуускай куоракка  техническэй айымньы Киинин базатыгар «IT – куб» оҕо цифровой үөрэхтээһинин Киинэ үөрүүлээх быһыыга-майгыга аһылынна. Ол туһунан Уокуруктааҕы дьаһалта үөрэҕириигэ Управлениета иһитиннэрэр. 
Үөрүүлээх тэрээһиҥҥэ Уокуруктааҕы дьаһалта үөрэҕириигэ Управлениетын начаалынньыга Алексей Семенов уонна СӨ саҥа технологияларын Институтун дириэктэрэ Айал Соловьев кытыннылар. Эҕэрдэ тылы үөрэҕирии Управлениетын начаалынньыгын солбуйааччы Егор Охлопков, Ф.И. Авдеева аатынан оҕо айымньытын Дыбарыаһын дириэктэрэ Мария Петрова, Оҕо Киинин дириэктэрэ Наталья Петрова, Хатастааҕы «Ситим» айымньы дьиэтин дириэктэрэ Саргылана Стручкова эттилэр.
«IT-куб» – «Үөрэҕирии» национальнай бырайыак «Цифровой үөрэҕирии эйгэтэ» федеральнай бырайыагын чэрчитинэн тэриллибит эбии үөрэхтээһин инновационнай балаһаакката. 
РФ субъектарыгар маннык Кииннэри тэрийэр-техническэй уонна методическэй  үлэ федеральнай оператора – «РФ үөрэҕириитин Министиэристибэтин Академията».
«IT – куб» иитиллээччилэрэ дьарыктанар хайысхалара: «Основы алгоритмики и логики», «Программирование на Python», «Программирование роботов», «Мобильная разработка», «VR/AR разработка», «Системное администрирование», «Программирование Java», «Motion design». Киин үөрэнээччилэргэ билиҥҥи кэмҥэ наадалаах билиини, информационнай-коммуникационнай уонна цифровой технологиялар эйгэлэригэр сатабылы, креативнай  толкуйу биэриэҕэ. 
Уокуруктааҕы дьаһалта үөрэҕириигэ Управлениетын начаалынньыга Алексей Семенов киин куоракка «IT – куб» Киин аһыллара дьоһун суолталааҕын бэлиэтээтэ: «Саҥа Киин Дьокуускай куорат үөрэнээччилэригэр идэ ылыахтарын иннинэ IT-технологиялар эйгэлэригэр  бэлэмнэниини биэриэҕэ. «IT – куб» педагогтарыгар ситиһиилэри уонна саҥа бырайыактары баҕарабын».
СӨ саҥа технологияларын Институтун дириэктэрэ Айал Соловьев «IT – куб» Уһук Илиҥҥэ баар улахан Кииннэртэн биирдэстэринэн буоларын бэлиэтээтэ. 
Бүгүҥҥү күҥҥэ «IT-куб» оҕо цифровой үөрэхтээһинин Киинин педагогическай састааба туолбут, педагогтар бары федеральнай таһымҥа үрдэтинии куурустарын ааспыттар, Кииҥҥэ дьарыктаныан баҕалаах оҕолору сурутуу бырагыраамата СӨ эбии үөрэхтээһинин Навигаторыгар киллэриллибит.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...