02.06.2021 | 12:36

Дьокуускайга историческай суолталаах тутуулары чөлүгэр түһэриэхтэрэ

Дьокуускайга историческай суолталаах тутуулары чөлүгэр түһэриэхтэрэ
Ааптар: Киин Куорат
Бөлөххө киир

СӨ Баайга-дуолга уонна сир сыһыаннаһыыларыгар министиэристибэтин пресс-сулууспата иһитиннэрбитинэн, эр дьон прогимназията турар сирэ өрөспүүбүлүкэ бас билиитэ буолар. 
«СӨ баайга-дуолга уонна сир сыһыаннаһыыларыгар министиэристибэтэ 1286 кв.м  иэннээх култуурунай нэһилиэстибэ эбийиэгэ турар сирин федеральнайтан өрөспүүбүлүкэ бас билиитигэр киирэрин курдук үлэ ыытта. Саха сирин биир эргэ тутуута аттыгар турар бастакы Реальнай училищены кытта „Мас Дьокуускай. Залог“ бырайыак чэрчитинэн чөлүгэр түһэриллиэҕэ», – диэн этиллэр иһитиннэриигэ.
Дьокуускайдааҕы эр дьон классическай прогимназиялара 1873 сыллаахха тутуллубута. Манна саха бастакы интеллигенцията – саха литературатын төрүттээччи Алексей Кулаковскай-Өксөкүлээх Өлөксөй, учуонайдар уонна политическай деятеллэр ини-бии Ксенофонтовтар, уопсастыбаннай уонна политическай деятель Василий Никифоров-Күлүмнүүр, синтетическэй каучугу айбыт Сорбонна уонна Прага университетын преподавателэ Иван Кондаков уо.д.а. үөрэммиттэрэ.  


1934 сыллаахха манна Саха сиригэр бастакы үөрэх кыһата –  Педагогическай институт аһыллыбыта. Онтон СГУ историко-филологическай уонна инженернэй-техническэй салаалара, байыаннай кафедра, Мединститут анатомияҕа кафедрата үлэлээбиттэрэ. 
2014 сыллаахха архитектурнай пааматынньыгы уматаннар, дьиэ үрдэ сууллубут, ол эрэн эркиннэрин сорҕото уонна акылаата ордубут. 
Санатар буоллахха, эр дьон классическай прогимназияларын уонна Реальнай училищены чөлүгэр түһэрэр туһунан 2020 сыл ахсынньы 24 күнүгэр Саха АССР 100 сылыгар бэлэмнэнии чэрчитинэн Ил Түмэн мунньаҕар Ил Дархан Айсен Николаев эппитэ. Кини бырабыыталыстыбаҕа 2021 сылга ити икки тутууну чөлүгэр түһэриини саҕалыылларыгар сорудахтаабыта.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...