10.08.2022 | 16:00

Дьокуускайга инклюзивнай мастарыскыайдар аһыллыахтара

«Харысхал» Аһымал пуондата, Потанин Пуондата тэрийбит «Точка опоры» куонкуруһугар кыайыыны ситиһэн, инклюзивнай мастарыскыайдары арыйарга 4,3 мөл тахса солкуобайы ылла диэн иһитиннэрдэ Пуонда пресс-сулууспата.
Дьокуускайга инклюзивнай мастарыскыайдар аһыллыахтара
Ааптар: Киин Куорат

Керамика мастарыскыайдарыгар уонна иистэнэр сыахха инбэлииттээх эдэр дьон уонна инбэлиит оҕолор ийэлэрэ үлэлиэхтэрэ. Оҥоһуктар атыыларыттан киирбит үп инбэлиит уонна доруобуйаларыгар хааччахтаах оҕолору өйүүргэ барыаҕа.

Саха сириттэн «Харысхал» Аһымал пуондата соҕотох кыайыылааҕынан буолла. Гыраан уопсай суумата – 4 334 100 солкуобай. Куонкурус тэрийээччитэ – Москватааҕы «Владимир Потанин» Аһымал пуондата.

 «Точка опоры» күрэх инфраструктурнай, социальнай хайысхалаах судаарыстыбаннайа уонна кэмиэрсийэтэ суох тэрилтэлэри өйүүр сыаллаах. Бүтүн Арассыыйаттан куонкуруска кыттыан баҕалаахтартан 274 сайаапка киирбит.

««Владимир Потанин» Аһымал пуондатын күрэҕэр кыайыы – улахан эппиэтинэс, итэҕэл кредитэ, хаачыстыба маарката! Пуондабыт итинник улахан гыраанынан көмөнү ылбатаҕа ыраатта. Ити сайдыы саҥа хайысхата. «Путешествие в страну глинотерапии» инклюзивнай студияҕа оҕолор туойтан оҥоһуктарын көрөн баран итинниги тэрийэр идиэйэ киирбитэ. «Харысхал» пуондатын «сылаас» оҥоһуктара хас биирдии дьиэҕэ баар буолуохтаахтар дии санаабытым. Билигин бырайыагы олоххо киллэрэргэ дьиэни көрдөнөбүт», - диэн үллэһиннэ «Харысхал» Аһымал пуондатын дириэктэрэ Любовь Клюкина.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.