13.07.2021 | 15:56

Дьокуускайга икки этээстээх сылаас тохтобуллар баар буолуохтара

Дьокуускайга икки этээстээх сылаас тохтобуллар баар буолуохтара
Ааптар: Киин Куорат

Куорат баһылыга Евгений Григорьев мунньаҕар медицинскэй пууннаах сылаас, хантаага суох (бесконтактнай) оптуобус тохтобулларын бырайыага көрүлүннэ. Ол туһунан Дьокуускай куораттааҕы дума пресс-сулууспата иһитиннэрдэ. 
Бырайыак чэрчитинэн хас да соругу ситиһиэххэ сөп: медпууннары суһаллык тэрийии, дьоҕус биисинэһи өйөөһүн, хантаага суох баһыылкалары тиксэрэр тэрили туруоруу.  
Бырайыагы олоххо киллэрэргэ баар тохтобуллар иэннэрин кэҥэтэр уонна иккис этээстиир этиилэр бааллар. Бастакы этээскэ медпуун баар буолар. 
«Сайыҥҥы кэмҥэ анаалыстары уулусса өттүттэн түннүк нөҥүө, оттон кыһын дьиэ иһигэр арыллар түннүгүнэн ылыахха сөп. Вируснай инпиэксийэ анаалыстарын сэргэ саахар, холестерин, онкомаркер анаалыстарын туттарыахха сөп», - диэн этиллэр иһитиннэриигэ.
Иккис этээһи дьоҕус биисинэскэ арендаҕа бэриллэр – манна бородуукта, ателье туочукалара, чаһы, суотабай төлөпүөннэр өрөмүөннэрэ,  вендинговай аппарааттар  баар буолуохтара. Сайыҥҥы өттүгэр кафе арыйыахха сөп. 
Итини таһынан, суһал сулууспалары ыҥырар төлөппүөн, суотабайдары ииттэрэр станция, «Куттала суох куорат» систиэмэнэн кэтээн көрөр камера баар буолуохтаахтар. 
Бастакы этээскэ баһыылкалары хантаага суох ылар тэриллэр тураллара былааннанар. 
Евгений Григорьев икки этээстээх сылаас тохтобуллары пилотнай көрүҥүнэн туруорааһыны биһирээтэ. Кини итинник тохтобулу 1 №-дээх поликлиника, эбэтэр атын медицинскэй тэрилтэ таһыгар туруорарга этии киллэрдэ. 
Итини сэргэ баһылык итинник тохтобуллары сылаас туалеттар тастарыгар (быйыл тураллара былааннаммыт) туруорар туһунан көрөргө сорудахтаата. 
Евгений Григорьев сылаас тохтобулларга атыылыыр олохтоох тыа хаһаайыстыбатын оҥорон таһаарааччылара, арендаттан босхолонон, уот харчытын төлүүллэрин уонна санитарнай өттүнэн хомуйалларын туһунан эппит. Кини бу нэдиэлэҕэ бастакы итинник тохтобул ханан турар сирин чуолкайдаһыахпыт диэбит.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Рево Алексеев:  «Саха киһитэ ыра сатыа суохтаах!»
Дьон | 08.12.2022 | 09:00
Рево Алексеев: «Саха киһитэ ыра сатыа суохтаах!»
Орто саастаах дьон үлэттэн сылайдаҕына, хаһан биэнсийэҕэ тахсабыт диэн өрө тыыналлар. Оттон бүгүҥҥү ыалдьыппыт Рево Захарович Алексеев 85 хаарыгар үктэнэн да баран күн бүгүҥҥэ диэри мууһура үлүйбүт киһини быыһыырга олоҕун анаабыт үлэтигэр — Дьокуускайдааҕы научнай-чинчийэр кииҥҥэ түбүгүрэ сылдьар. Бэйэтин сааһыгар лаппа эдэрчи көрүҥнээх, саастаах киһи диэтэххэ, үчүгэйдик көрөр-истэр, сорох кырдьаҕас...