23.01.2023 | 23:17

Дьокуускайга II-с кыһыҥҥы «Азия оҕолорун» уота ыалдьыттаата

Дьокуускайга II-с кыһыҥҥы «Азия оҕолорун» уота ыалдьыттаата
Ааптар: Киин Куорат
Бөлөххө киир

Оонньуулар уоттарын Петр Бекетов пааматынньыгар Кузбасс биллиилээх спортсменнара Никита Веселов, Илья Катышев, Денис Брит уонна  Камолиддин Туракулов 46 кыраадыс тымныыга атынан аҕаллылар.
Куорат баһылыга Евгений Григорьев Өлүөнэ остуолбаларыттан саҕыллыбыт II-с кыһыҥҥы «Азия оҕолорун» уотун Кемеровскай уобалас бэрэстэбиитэллэригэр туттарда уонна Саха сирэ 2024 сыллаахха Дьокуускай куоракка буолуохтаах VIII-с Сайыҥҥы «Азия оҕолоро» оонньуулары көрсөргө бэлэмнэнэрин туһунан иһитиннэрдэ.
Кемеровскай уобалас бырабыыталыстыбатын бэрэссэдээтэлин солбуйааччы Сергей Алексеев Оонньуулар уоттара Кузбасс түөрт куоратыгар сылдьан баран Кемероваҕа «Кузбасс» муус дыбарыаһыгар түмүктэниэхтээҕин эттэ. 
Биллэрин курдук, быйылгы оонньууларга 13 дойдуттан тыһыынчаттан тахса спортсмен 10 араас көрүҥҥэ күрэхтэһиэхтэрэ. 
Уоттаах факелы көрсүү үөрүүлээх церемониятыгар СӨ спорт миниистирэ Леонид Спиридонов, «Азия оҕолоро» оонньуулар норуоттар икки ардыларынааҕы кэмитиэттэрин бэрэсидьиэнэ Владимир Максимов, Арасыыйа Олимпийскай кэмитиэтин генеральнай дириэктэрин солбуйааччы Игорь Степанов, биатлоҥҥа олимпийскай чемпионка Анна Богалий кыттыыны ыллылар.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)